ORANJESTAD (AAN): Ayera Fondo Di Pensioen di Sector Turistico a tene nan Asamblea General di nan Pensioenfonds na La Cabana.
E miembronan cu a asisti a cera conoci cu e Hunta di Directiva. Fondo di Pensioen tin cambio den e Hunto di Directiva, nan tin un Chairman nobo, nan ta bay duna cuenta di e cifranan na e miembronan.
Sr. Anselmo Pontilius tabata e “Guest Speaker”. Sr. Pontilius ta co- fundador di e Fondo di Pensioen aki.
Tambe a duna splicacion riba nan vision cu nan tin, kico ta e proyecto cu nan ta bezig cu nan.
Den e asamblea e miembronan ta haya informacion di nan pensioen. Y door di esaki, ta conscientisa nan miembronan y ta wak con solido e fondo ta.
E Asamblea General ta primeramente pa miembronan di e Fondo di Pensioen. Pero Aruba en general tabata invita.
Direvtora Sra. Sanaa Baroud a splica cu nan a cera 2016 cu 83 miyon, y compara cu e aña anterior, nan a crece di 68 pa 83. Dus nan tin 20 miyon extra na assets. Nan miembronan ta mas di 8 mil y e ta sigui crece. Y ainda tin hopi espacio pa sigui crece. Nan sistema di administracion ta hopi simpel y transparente. Nan miembronan tin acceso online, kico nan doño di trabao a contribui pa nan. E Fondo di Pensioen ta up to date, tanto cu nan Pensioenadministratie y nan Financieel Administratie. Ayera tambe a lansa nan app di PFTSA y lo tin acceso na tur informacion personal di miembronan.
Un persona por bin y atende e Asamblea, pero ora cu nan kier afilia na nan compania, nan ta referi na e extracto di Camara di Comercio, y nan statutonan, pa wak si enberdad nan ta cay bou di e sector turistico. Un persona individual no por afilia ariba su mes.
Sector turistico ta un sector hopi amplio. Tin companianan cu bo no ta pensa cu no ta cay bou sector turistico. E ta un lista cu ta registra na CBS, y eynan ta registra. Pero e companianan cu ta duda si nan ta cay of no, bou di sector turistico, por yama na 582-4499 of pasa personalmente na Vondellaan 21- B.
Durante e Asamblea tabata tin coleganan di Fondo di pensioen presente, cu a duna splicacion si e compania ta cay bou di sector turistico of no, segun sra. Sanaa Baroud, directora di e Fondo Di Pensioen Sector Turistico di Aruba.
