Home Turismo Fondo di Pension di Sector Turismo di Aruba ta mustra hopi positivo

Fondo di Pension di Sector Turismo di Aruba ta mustra hopi positivo

11
0
SHARE
- Advertisement -

Sr. Laurens Keesen, actuaries fondo pension turismo:

ORANJESTAD (AAN) – Matutino DIARIO tabata tin un entrevista cu señor Laurens Keesen, actuaries externo di e fondo di pension di sector turismo di Curacao, ken ta di bishita na Aruba y a duna nos su punto di bista tocante e fondo di pension di Aruba su sector turismo.

El a duna di conoce cu tur aña e ta wak con e fondo aki ta bay, con e ta desaroya su mes si nan ta cumpli cu tur loke nan ta priminti e miembronan, y riba e aspectonan aki su presentacion a bay.

Keesen a subraya cu e cifranan ta indica cu e fondonan ta bayendo bon, e resultadonan ta bon; nan por duna tur miembro 4% di interes riba nan capital, cu ta hopi bon compara cu un banco. Den un banco riba cent di spaar e cliente no ta haya mas cu 1 porciento.

“Locual ta hopi importante ta pa wak si e grado di cobertura ta bon, y esaki kiermen cu nan tin un tiki mas cu nan mester, eigenlijk” segun sr. Keesen.

Si algo pasa, el a sigui bisa, Banco Central mes ta regla cu e trahadornan tin algo extra, y nan tin basta extra den nan grado di cobertura cu a subi e delaster añanan.

E fondo aki a redobla e ultimo cinco añanan y esaki ta yuda e fondo pasobra si e ta crece e gastonan pa e miembronan ta baha y por inverti e fondo mihor.

Keesen a splica tambe cu ainda tin hende cu ta kere cu ora nan baha cu pension, nan ta bay haya 70 porciento di nan salario door di e pension general, den e caso aki di sector turismo, pero esey no ta e caso. Cu un aporte di 6% no por yega na un suma asina. Si e contribuidornan kier yega na un suma asina bon, nan tin cu aporta un porcentahe mas halto. No obstante, el a señala cu den e Islanan ABC e fondo ta bayendo mihor cu na Hulanda, y esaki ta pa motibo cu e interes na Europa, por ehemplo na Hulanda como tambe na Merca pa un fondo asina ta hopi abao. Den e islanan aki, aunke e interes no ta halto ta un poco mihor cu na Merca y Europa.

Encuanto edad pa baha cu pension, segun sr. Keesen 65 aña ta bon, manera tine na Aruba aworaki. Na Hulanda e ta bay pa 67. El a subraya cu si wak awendia e hendenan ta biba mas largo y ta inevitable pa subi e edad di pension. Como cu expectativa di bida ta na mas edad, mester paga mas tempo y no tin placa pa cubri esey. E ta kere si, cu te ainda edad di 65 aña ta bon pa Aruba. El a menciona cu Curacao tambe tine na 65, Sint Maarten na 62 te ainda, pero nan ta bezig ta wak si nan por subie te 65 mescos cu e Islanan BES. E edad di 65 ta normal den nos region.

 

- Advertisement -

DUNA COMENTARIO

Please enter your comment!
Please enter your name here