Home Policial Geboei na man cu pia a transporta e atracador Eric de Cuba

Geboei na man cu pia a transporta e atracador Eric de Cuba

898
0
SHARE
- Advertisement -

 

ORANJESTAD  (AAN): Atraco Team no a bacila pa pone man rapidamente riba un atracador peligroso. Esaki a sosode den menos cu 24 ora despues di e atraco cometi. A kita libertad di otro criminal.

Esaki ta danki tambe na e comunidad cu a usa e tipline di Polis na 11141. E homber Eric de Cuba ya caba a cay cera mas biaha.

Hasta pa atraco arma el a yega di cay cera. Ta un sospechoso cu no sa coopera cu autoridad durante interogacion.

Despues di comete atraco, Atraco Team a analiza e video di seguridad den e negoshi ubica den Socotorolaan. Eynan a cuminsa reconoce e prome atracador como Eric de Cuba.

Ora e video aki a bay den publicidad a haya yamada na tipline di Polis 11141 tambe. E sospechoso a keda deteni banda di Certified Super Center.

Ora a haci detencion e sospechoso no a haya chens di haci masha cos. El a coopera cu autoridad pa su mesun bon.

Recherche di Atraco Team dimes tabata bon prepara pa cualkier situacion cu por a presenta.

E otro atracador un ora pa otro tambe lo keda deteni.

- Advertisement -

DUNA COMENTARIO

Please enter your comment!
Please enter your name here