Home Economia Gobierno a bin cu maneho nobo relaciona cu e ley di establecimento...

Gobierno a bin cu maneho nobo relaciona cu e ley di establecimento di negoshi

175
0
SHARE
- Advertisement -

ORANJESTAD (AAN): Departamento di Asuntonan Economico ta informa cu desde 23 di mei 2017 Minister di Asuntonan Economico a introduci un maneho adicional/nobo referente e lugar di establecimento conforme e Ley di establecimento pa negoshi, e asina yama “Vestigingsverordening Bedrijven” (VvB).

Conforme articulo 6 di e ley aki e Minister di Asuntonan Economico ta autorisa (bevoegd) pa pone e.o. reglanan concerniendo e actividad comercial y e lugar di establecimento di e negoshi.

A base di esaki reglanan a worde stipula pa casonan cu ta trata e lugar di establecimento di negoshi cu mester permiso conforme e ley ariba menciona, specificamente den un area residencial.  Den area residencial e prioridad ta pa residencia, pesey kier evita cu un negoshi ta worde estableci di cual su actividad por trece molester  den e areanan aki door di p.e. hopi sonido of vibracion, hopi trafico of problema cu parkeo y actividad cu ta reduci e balor di e propiedadnan di residencia. E actividadnan aki ta worde menciona den e ley di “Hinderverordening” y otro actividadnan stipula, cu lo worde agrega na e ley aki.

Lo por duna permiso den areanan residencial pa actividadnan cu no lo causa e molesternan ariba menciona. Pa menciona algun p.e. oficina administrativo, agencia di seguro, consultorio medico, houdstermaatschappijen.

Un peticion pa un permiso conforme e Ley di establecimento ta worde evalua y ta worde mara na e siguiente condicionnan.

  1. E peticion mester cumpli cu e Ley di establecimento di negoshi “VvB”; e maneho di establecimento di negoshi (Richtlijnen VvB) y Legesbesluit DEZHI;
  2. E negoshi concerni mester cumpli cu e normanan di parkeo, conforme e maneho di D.O.W.

Areanan comercial a worde stipula y esaki nan ta parcelanan cu ta directamente na camindanan principal of otro cayanan cu ta conecta cu esakinan y di cual comercio ta e actividad principal. E camindanan/direccion nan aki a worde stipula.

Tambe ta recorda cu entrante 23 di mei 2017 Minister di Asuntonan Economico a anuncia un moratorio riba establecimento relaciona cu benta di e.o. comestibles, conoci como supermarket/minimarket. Esaki pa un periodo di 2 aña.

Pa mas informacion por tuma contacto cu e Helpsdesk medewerker di Departamento di Asuntonan Economico. Dialuna pa diabierna durante orario cu ta atende publico 7:45 – 11:30 a.m. & 1:15 – 4:00 p.m. Riba diamars y diaranson merdia no ta atende publico.

 

- Advertisement -

DUNA COMENTARIO

Please enter your comment!
Please enter your name here