Home Salud Haya sa con pa mantene bo mes saludabel prome y despues di...

Haya sa con pa mantene bo mes saludabel prome y despues di embaraso

65
0
SHARE
- Advertisement -

Charla interesante awe nochi

ORANJESTAD (AAN): Riba Diaranson 21 di juni lo tin un charla cu lo trata e topico ‘Mantene Saludabel prome y despues di embaraso’. E charla aki ta un presentacion di Viana Natural Healing Center y Duna Luz y lo tuma lugar na Occasions by B-days and More, tegenover di Flora Market, patras di Subway. E charla aki lo ta di 6.30 – 7.30 pm y lo ta na Papiamento. Entrada ta gratis. E anochi aki lo tin dos orador: Dr Viana kende ta un nutricionista y Xochi Woorts kende ta un partera y nan lo papia riba e preparacionnan durante embaraso te cu momento di duna bon bini na e baby.

Partera Xochi Woorts lo conta di e importancia di duna pecho y erornan comun cu hopi mama ta haci na momento di duna pecho. Tambe e lo amplia riba e derecho cu cada mama tin di duna nan yiu pecho y e importancia di un bon nutricion pa e mama y yiu na momento di duna pecho. Otro topico cu lo bin dilanti ta trata e influencia di media den comparacion cu e instincto maternal di cada mama.

Dr Viana lo splica mas riba e aspectonan di nos salud, manera e topico si abo y bo pareha ta saludabel suficiente pa por sali na estado y lo e profundisa mas riba diferente problema relaciona cu fertilidad y solucionnan pa cu esaki. Otro topiconan cu e lo trata ta un embarazo sano cu ta ensera bon nutricion y un forma di biba saludabel. Dr Viana lo amplia tambe riba e cuido durante embaraso y e diferencianan entre e partera y un dokter natural. Por ultimo dr Viana lo papia di e cuido despues di embarazo unda cu lo splica entre otro con un mama por coi forza back despues di e parto y e beneficionan di duna pecho y uza menos kimiko posibel den e periodo aki.

Un y tur ta keda invita na e anochi informativo aki, specialmente muhernan na estado, nan partner y famia y tambe esnan cu ta planeando pa cuminsa un famia. Pa mas informacion of reservacion por email na activities@oduber.com

- Advertisement -

DUNA COMENTARIO

Please enter your comment!
Please enter your name here