Home Politica Hendrik Tevreden back den politica

Hendrik Tevreden back den politica

156
0
SHARE
- Advertisement -

ORANJESTAD (AAN): “Mi tey bek” tabata e prome palabranan expresa door di Hendrik Tevreden cu un sonrisa na su cara durante e conferencia di prensa yama door di Partido MEP pa anuncia su regreso den politica.

Hendrik Tevreden no ta un persona desconoci den politica ya cu na aña 2005 a forma parti caba di partido MEP ora cu Nel Oduber a reconoce e pasion cu Hendrik tin pa sirbi su Pais.

Despues di eleccion na aña 2009, Hendrik a tuma un break for di politica ya cu el a casa y a dicidi di cuminsa forma su famia.

Pa eleccion di 2013, Hendrik a sinti cu e no tabata cla pa regresa den e mundo di politica y e tempo ey e tabata tin un meta su dilanti, cual tabata profesionalisa su mes den e ramo di ‘Maatschappelijk Gezondheidszorg’ pa asina duna e miho di su mes na su Pais.  Awor cu el a termina su estudio, e ta cla pa tuma e reto un biaha mas cu determinacion pa yuda Aruba progresa.

Cu su regreso den politica, Hendrik Tevreden tin 3 punto di accion como meta, cual ta reconoce e areanan cu Aruba tin di mehora a corto y largo plaso, reestablece un fundeshi solido pa acomoda un perspectiva nobo, y reconstrui nos sistema social a base di principionan duradero.

Hendrik lo presenta hunto cu su team ‘Plan HO.PE‘ (Horizonte y Perspectiva) y ta kere den hiba politica den un direccion humilde, caminda lo papia di tur problema na un forma habri pa asina hunto manera un Pais nos sigui padilanti.

- Advertisement -

DUNA COMENTARIO

Please enter your comment!
Please enter your name here