Home Deporte Hoben di Aruba ta un di e 22 ganadornan pa bay hunga...

Hoben di Aruba ta un di e 22 ganadornan pa bay hunga wega na Camp Nou di FC Barcelona

280
0
SHARE
- Advertisement -

Hopi suerte mes!

ORANJESTAD (AAN): Un hoben di Aruba, Matthew Lentink di 22 aña, aworaki ta bibando na Zeeland na Hulanda.  E ta hunga pa un team local, y ta keeper di e equipo.

El a caba di haya sa cu el a bira un di e 22 ganadornan di un Campaña Special di FC Barcelona.  Diabierna awor e ta viahando pa Camp Nou pa e wega di su bida!

Aña pasa Matthew tabata na Spaña y a bishita e stadion di FC Barcelona y a cumpra un Shirt den e tienda di fanatico.  Ora di a cumpra esaki, e mester a yena su nomber y adres, pa haya chens di gana algo.

El a haya sa via un email cu el a ricibi cu e mensahe, cu e ta wordo invita pa un wega na Camp Nou.  Na comienzo e no kier a kere.  Pero realmente e keeper aki ta un di esnan feliz cu a wordo invita pa un wega na Camp Nou.  Ademas di dje, otro fanaticonan di Barça di e.o. Venezuela, Tanzania, y China a haya e email sorprendente.

Via di emailnan el a sigui check si ta berdad, y despues el a mira su propio nomber poni entre demas ganadornan riba e website di FC Barcelona.

Diabierna awor e mester tey na Barcelona, y aki lo haya entrenamento completo y uniform pa hunga wega.  Hasta e vuelo, cuminda, y estadia a wordo regla.

Diasabra mes nan lo train riba e compleho di entrenamento di FC Barcelona, y un dia despues nan lo hunga un wega den e Stadion.

Tempo e tabata biba na Aruba, Matthew a yega di forma parti di seleccion di e isla aki na diferente ocasion.

 

- Advertisement -

DUNA COMENTARIO

Please enter your comment!
Please enter your name here