Home Policial Hobennan cu no kier a paga cuenta a maltrata ciudadano di edad...

Hobennan cu no kier a paga cuenta a maltrata ciudadano di edad respeta

1274
0
SHARE
- Advertisement -

ORANJESTAD,(AAN): — Central di polis a dirigi patruya Oranjestad na Mido restaurant pa bringamento, pero ora e unidad a presenta a resulta cu  bringadonan a baha bay caba.

E victima di 63 aña a declara na e agentenan cu dos mucha homber a bin cumpra coi bebe na bar. E dos tiponan aki no kier a paga mientras e victima a atende pa nan paga e coi bebenan.

A surgi discusion y e dos mucha hombernan a maltrata e denunciante di 63 aña.

Polis a constata cu e victima tabatin herida na man drechi y elleboog ademas na cabez.

E victima no a desea presencia di ambulans.

Patruya a indica e victima pa e pasa entrega denuncia di maltrato na despacho di recherche contra e dos individuo nan.

E bartender  a laga polis wak e video graba di e pelea cu a tuma lugar.

Un di e mucha hombernan polis a reconoce como un tal “G.”

Ademas tin capta ora cu e dos mucha hombernan a move bay den  auto y polis a reconoce e vehiculo. Un testigo a suministra polis informacion importante cual ta e number di e vehiculo cu e dos mucha homber a bandona e sitio cune.

Na caminda pa warda patruya a dicidi pa pasa den Caya G.F. Betico Croes na unda nan a wak caba e mesun modelo di auto staciona na un otro ocasion.

Na altura di un cas situa na Hooiberg, patruya a topa e auto encuestion debi cu nan a wak riba e video y ademas e number tambe tabata cuadra cu locual e testigo a suministra.

Polis a observa cu e yabi tabata  den e contacto, motor tabata cendi y e porta banda drechi di chofer tabata habri . Un mucha homber cual su description ta cuadra cu locual nan a wak riba video tabata cana bay den e direccion di e vehiculo.

Relaciona cu e hechonan graba, polisnan a reaciona mesora y nan a detene e mucha homber pa shet’or di anochi. E sospechoso K.  despues di su detention a  wordo  poni inmediatamente na altura di su derechonan y transporta pa warda di polis Santa Cruz y presenta dilanti fiscal auxiliar y el a keda pa investigacion ademas pa interogacion.

Na warda di polis pa alrededor di och’or anochi e victima a wordo ricibi y el a wordo trata pa paramediconan di ambulans. Tambe e recherche riba warda, a wordo poni na altura y el a presenta na warda.

 

 

- Advertisement -

DUNA COMENTARIO

Please enter your comment!
Please enter your name here