- Advertisement -
No solamente e Windracers Club Aruba ta orguyoso cu nan atleta Ethan Westera, campeon Arubiano pa varios aña, a logra di gana e titulo di Campeon Mundial Slalom den e categoria di Men, e fin di siman cu a pasa.
Esaki, manera ta conoci den e competencia di IFCA Paal 17 Texel, Hulanda cu a tuma lugar di 12 pa 17 di Juni.
Hopi hende na Aruba ta contento cu e triunfo di e hoben aki, di apenas 19 aña di edad.
Pues, e e persona mas hoben den historia pa gana e titulo mundial aki di Windsurf Slalom den categoria di Men. Seccion Hubentud den Movecion tambe ta felicita Ethan, y ta desea pa e sigui cosecha mas y mas exito den e bunita deporte aki.
- Advertisement -
