Home Estilo KOMA MODELS ta buscando modelonan nobo

KOMA MODELS ta buscando modelonan nobo

39
0
SHARE
- Advertisement -

Hobennan masculino y femenino di 16 aña bay ariba

ORANJESTAD    (AAN):   E agencia di modelo mas renombra di nos region lo tin un casting diaranzon dia 14 di Juni proximo pa asina mira hobennan masculino y femenino cu ta interesa pa forma parti di e elenco di modelonan profesional cu e agencia ta representa.

E casting lo tuma lugar na TRASH Store caminda lo mira tur cu a registra pa asina selecciona kendenan e agencia kier representa.

“KOMA ta un model agency, no un instituto di modelahe, ta pa e motibo aki e agencia ta kies kendenan cu nan kier representa.

Na Aruba modelahe ta mas bien un hobby y ta yuda cu e desaroyo social y auto-estima di hobennan” ta locual Ronchi De Cuba, presidente di KOMA MODELS a duna di conoce.

E agencia ta responsable pa descubri, prepara y lanza e mihor modelonan di nos pais.  E caranan mas conoci den modelahe, pa foto of pasarela, ta pertenece na KOMA MODELS.

Actualmente e agencia e restructura su website y a dicidi di busca algun cara nobo pa representa.  “Nos ta buscando hobennan cu un fisico atractivo y cu un personalidad amical.  Modelahe no solamente ta encera “good looks” pero tambe un great personality cu bon manera” Ronchi ta continua bisando.

E agencia, estableci na 1989, a sa di presenta e eventonan mas grandi di moda di nos pais.  Un y tur cu ta interesa ta keda invita pa inscribi, sin ningun costo, na TRASH Store pa asina forma parti di e casting nacional di KOMA MODELS.

Pa mira mas di e agencia por bishita nan website komamodels.com of bay ariba nan pagina di facebook KOMAMODELS.

- Advertisement -

DUNA COMENTARIO

Please enter your comment!
Please enter your name here