Home General Laboratorio a determina cu no tin aroz plastico na Save-a-Lot

Laboratorio a determina cu no tin aroz plastico na Save-a-Lot

1100
0
SHARE
— A resulta cu e aroz Alberto ta di calidad halto y nada di plastico.
- Advertisement -

ORANJESTAD (AAN): Si acaso bo ta comiendo aroz traha di plastico, lo bo ripara tog na su sabor?  Bo tabata sa cu cualkier aroz cu bo caba di cushina, lo bons bek un tiki si acaso bo lore hunto den forma di un bala?

— Save-a-Lot satisfecho cu test di Laboratorio.

Tin hende cu realmente no gusta investiga prome cu nan lesa algo riba Internet of Social Media.  Desde 2011 tin rumor falso circulando cu aroz di plastico ta wordo traha na China, y exporta pa mundo henter.  Pa colmo hendenan a cuminza usa un video di fabrica di plastic pellets (pa uso industrial), y a fabrica storia falso cu esey ta e aroz.

Despues ata rumor falso a cuminza circula na Singapore, despues na Vietnam, Indonesia, Malaysia, causando panico.  Pero ora cu a hiba e aroznan aki pa Laboratorio di Gobierno pa analisis, a bin haya sa cu tur test ta negativo.  Aroznan no tin ningun plastico aden.

Desde November 2015 caba, e corant Jakarta Post a trankiliza henter Indonesia cu e storianan di aroz di plastico ta un panico publico, un informe falso, y bo no mester preocupa.  Ta dificil pa kere cu ta bay usa plastico (mas caro pa produci) djis pa bende aroz (mas barata pa cultiva y produci).

— E rapport oficial di DVG riba e caso.

Panico innecesario: No obstante esaki, ata despues ta na India a bin cu e informe falso, como tambe na Nigeria, unda a bisa cu a confisca 2.5 ton di aroz di plastico.  Pero ora cu a bay check nan tur na Laboratorio, a sali na cla cu ta aroz puro tin den e saconan.  Nada di plastico!

Recien tambe un canal di TV na Jamaica a haci raportahe riba e asunto aki, y hasta menciona e biaha aki cu aroz basmati ta traha di plastico, y tin video ta circula di hende cu ta lora e aroz den forma di bala, y e ta bons bek.  Siendo cu cualkier aroz cushina caba y lora firme den forma di bala lo bons.

Na Jamaica, Gobierno di e pais Caribense a manda haci test cu aroz, y a resulta cu tin nada aden.

Un instancia na Hulanda mes a pone riba nan Facebook, cu nan ta mustra cu nunca nan a yega di topa cu aroz traha di plastico, ta wordo importa na Tera Frieu.  Pues nan ta adverti tur hende pa no cay den trampa di noticianan falso.  Nan ta hasta yama esaki “Rijsthoax”.

   CASO NA ARUBA:

Mey-mey di luna di Juni, diripiente algun hende na Aruba tambe a cuminza haci mesun test di bala di aroz y bons esaki.  Nan a grabe riba video y blof cu nan a descubri “aroz di plastico” na Aruba.  Esey a cuminza crea un tiki panico, y nan tabata mustra cu e aroz di marca “Alberto” ta wordo bendi na Aruba na Save-a-Lot.

— Hulanda ta pidi pueblo no kere rumor falso.

Aunke gerencia di Save-a-Lot ta sigur di e calidad di nan producto, tog mirando e cantidad di reaccion riba Facebook, a core saca tur producto for di nan tienda, y a solicita Departamento di Salubridad Publico (DVG) na Aruba pa haci test.

A test 3 tipo di Aroz: Dia 15 di Juni, Dienst Warenkeuring en Hygiëne a acudi na Save-a-Lot pa bay cu diferente saco di aroz pa haci test.  Nan a bay cu 3 tipo di aroz di e marca Alberto pa haci analisis di dje.  Ta trata di “Rice on the side”, “Alberto, parboiled rice”, y “Alberto, enriched rice”.  E expertonan local a haci diferente test pa asina haya sa facilmente si tin plastico of otro material sintetico den e aroz of no.

   RESULTADO:

Despues di tur e investigacion, y e pasonan cu Salubridad Publico a haci, Director di Directie Volksgezondheid, drs. Jerry Staring, Bsc, a bin na e conclusion cu e aroznan Alberto no ta contamina cu plastico, ni cu e aroznan ta traha di plastico.

E testnan a sali perfecto, y e aroznan Alberto di Save-a-Lot ta di calidad suprior.  E test a demostra tambe cu e persona cu a traha e video, no sa nada at all di loke e ta papia.

— Stop di bay tras di rumor falso of “hoax” riba Facebook.

Stop cu Fake News:  Mesun cos por nota tambe di hendenan cu no ta investiga, y ainda tin hende cu ERONEAMENTE ta kere cu tin (*) Lechuga di Plastico, (*) Kool di Plastico, (*) Keshi cu no ta kima, (*) Webo di Plastico, (*) Soy Sauce di cabey humano.  Tin monton di e storianan aki cu ta crea panico innecesario, incluyendo storianan falso encuanto cangreu, carni di porco, tilapia, galiña, y conoflook for di China.  Tambe hende ta spanta mirando video di trahadornan inyectando Cabaron of Galiña cu saline-water (pa evita freezer burn), siendo cu e ta djis awa mezcla cu salo.

E siguiente biaha bo mira informe espantoso riba Facebook, por fabor haci un investigacion prome cu bo share e storia ey, y evita di plama noticia falso.

- Advertisement -

DUNA COMENTARIO

Please enter your comment!
Please enter your name here