Home General Lama bruto a causa daño na Baby Beach

Lama bruto a causa daño na Baby Beach

132
0
SHARE
- Advertisement -

ORANJESTAD   (AAN): Hopi tabata wardando e mal tempo pasa cu poco awacero den cercania di nos isla. Pero mester bisa cu net caminda tabata spera mal tempo, esaki no a yega.

Si na San Nicolas a constata cu tin cierto dañonan cu a tuma luga pa motibo di lama bruto. Awa di lama a crusa yega riba Lone Palm Stadium. Asina mes turistanan ta pasa crusa den e plas aki, pero esey no ta bay facil.

Nos a papia cu minister di turismo, Mike de Meza a tuma nota di e situacion. El a splica cu diaranzon mainta tempran a papia cu director di DOW y tambe minister di infrastructura, Benny Sevinger tocante e situacion na Baby Beach y tur dos a duna oido na esaki. Internamente nan a cuminsa traha na un plan y haci un bishita pa mira kico a pasa. Por mira cu e awa di lama diamars tabata hopi bruto, diaranzon mainta tambe, cu awa di lama a subi tera y a yena e parti di veld na Baby Beach, te yega na e Tenniscourtnan.

Ainda por mira con yen esaki tabata. Por a mira cu e lama tabata asina bruto cu e tabata come parti pabao di Baby Beach. Tabata tin antes un cay cu tabata core p’ariba di Jebs, banda di ex Nanki Country Club. Por a mira e isla chikito cu tabata tin na Baby Beach, practicamente ta casi full a bay. Tin cu bay traha un isla chikito eynan bek. E isla ey ta yuda kibra e lama bruto pa e no come e beach, sak’e afo. Por mira cu e dañonan toch tabata grandi. Por a mira tambe hopi auto para pabao di e veld, pasobra e autonan no por yega Baby Beach. Tin algun di nan cu toch a yega pasobra por core rond, pero dificilmente por pasa banda di e tennis courtnan y bay ariba.

Minister Sevinger, hunto cu DOW ta trahando riba esaki y tambe ta bezig pa wak e fondonan cu ta necesario pa por drecha. Sa cu nos localnan ta haci uzo di Baby Beach masha hopi mes. Den siman por mira hopi turista cu kier bay Baby Beach y e ta un di e atraccionnan sumamente importante y conoci den e sector turistico. Tin cu atende cu esaki mas rapido posibel, cual ta wordo haci tambe.

Pomp awa?

Ta dificil pa pomp’e, pasobra ta algun hoos mester uza. Tin algun parti cu no ta hundo y algun parti si. Tin cu wak si tur cos ta bon, DOW lo bay tira un bista y wak kico ta e ideanan cu nan lo tin. Den pasado a mir’e, ora cu tabata tin e horcan Ivan, cu a pasa, cu a laga full e veld yen. Un di e problemanan cu ta bay tin, manera e awa para largo of bira menos, ta haya hopi pisca, etc. cu ta keda atras y e ta bay hole. Tin cu wak pa ruim esey op tambe, pasobra un ta e bista y e di dos ta e holo cu e ta laga atras. Baby Beach ta un atraccion turistico y tin cu acudi na esaki mas lihe posibel. E ta un di e atraccionnan turistico grandi na Aruba, pero esun di mas importante Pariba di nos isla y tin cu atende cu esaki mas lihe posibel.

 

 

- Advertisement -

DUNA COMENTARIO

Please enter your comment!
Please enter your name here