Home Deporte Lotto ta felicita San Nicolas Taekwondo Center cu nan di 9 campeonato...

Lotto ta felicita San Nicolas Taekwondo Center cu nan di 9 campeonato nacional

16
0
SHARE
- Advertisement -

ORANJESTAD (AAN): Diasabra ultimo e organisacion di taekwondo San Nicolas Taekwondo bou guia di e maestro Eric Barry a organiza nan di 9 edicion di e campeonato nacional na memoria di e atleta Anashia Murray awe den feliz memoria. E campeonato tabata super exitoso y a conta cu un participacion grandi di 5 scol di taekwondo di Aruba y hunto cu nan alumnonan den tur categoria.

Durante di e campeonato aki varios mucha a triunfa logrando e prome lugar unda na final Presidente di St. Fundacion Lotto pa Deporte, Sr. Di Stefano Wernet RA a haci entrega di e respectivo premionan na esnan cu a sobresali durante di e campeonato nacional di taekwondo. Esnan cu a triunfa cu e prome lugar nos tin Sue Jean Kelly di Stichting Tiger Academy Aruba, Jeremiah Tjin di Brazil Taekwondo Stichting, Shenelle Perez di Noord Taekwondo Center, Myron Adams di San Nicolas Taekwondo Center, Zahyon Klaber di Brazil Taekwondo Stichting. E scol di Brazil Taekwondo Stichting a keda eligi como e miho scol di e campeonato nacional.

Un danki sigur na Lotto, e Loteria di Aruba pa medio di Comision di Subsidio a yuda subsidia e 9 edicion di e campeonato nacional organiza pa San Nicolas Taekwondo na memoria di e atleta Anashia Murray awe den felis memoria.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e Comision di Subsidio.

- Advertisement -

DUNA COMENTARIO

Please enter your comment!
Please enter your name here