Home Policial Luciano Maduro PR di Dienst Huur en Consumentenzaken a fayece den forma...

Luciano Maduro PR di Dienst Huur en Consumentenzaken a fayece den forma inespera diabierna mainta

505
0
SHARE
- Advertisement -

E tabata coordinador di ex Minister Marisol Lopez Tromp

ORANJESTAD (AAN): Diabierna mainta pa 10:25 am a drenta melding di un persona cu no tabata duna señal di bida. Polis y Ambulance a yega na Paramira # 5 y a topa cu un mama tristo splicando cu su yiu no a lanta for di soño awe.

Ta trata di Luciano Maduro, naci 2 di mei 1977, pues cu recien a cumpli 40 aña di edad. Motibo di su morto ta natural. Aunke e ta un edad basta jong, tog hende ta keda un tiki straño cu ta tende cu hende di edad asina ta muri di morto natural. Polis ta haci su investigacion den casonan asina.
Luciano Maduro, desde edad hoben a cuminsa traha como coordinador di ex Minister Marisol Lopez-Tromp, den Gabinete Oduber III. Cu cambio di Gobierno na 2009 el a bay traha como Chef Consumentenzaken y alabes Relacionista Publico di Dienst Huur en Consumentenzaken. Ey el a haci e departamento masha conoci y ta percura pa hopi informacion y conscientisacion di derecho di consumidornan.
No mas cu diahuebs mainta 10:02 or el a manda su ultimo comunicado di prensa na media, relaciona cu un caso unda banco a blokia cuenta di un cliente.  Luciano Maduro tabata activo tambe den Beach Tennis.
E noticia diabierna mainta a causa masha tristeza den comunidad, specialmente cerca tur cu a conoce. Hopi forsa na su famia y amigonan, cu Luciano sosega na paz.

 

- Advertisement -

DUNA COMENTARIO

Please enter your comment!
Please enter your name here