Home Evenemento Maestronan di Aruba invita pa conferencia hopi interesante

Maestronan di Aruba invita pa conferencia hopi interesante

123
0
SHARE
- Advertisement -

ORANJESTAD (AAN): Un invitacion ta bay na maestronan di Aruba, pa no perde chens di atende e conferencia hopi interesante aki.

Maestronan por acepta e invitacion aki como uno personal.

E organizadornan local ta aprecia bo trabao como maestra of maestro y nos kier demostra esaki invitando bo pa un conferencia di aprecio pa tur educador.

E conferencia aki lo ta Diasabra dia 17 di Juni na Aruba Hilton Resort di 9 am pa 1 pm y e lo ta completamente gratis. Presente lo ta Larry Bell cu no ta un desconoci den e mundo di educacion. E tin mas di 15 aña dunando charla tur rond di mundo na maestronan pa yuda motiva nan mas den nan trabao y den nan bida personal.

E mes tabata un maestro na Citadel y el a worde nomina pa e national Agnes Meyer Outstanding Teacher Award. Larry bell ta conoci pa su programa special pa deal cu muchanan problematico yama: “Tough Kids” y “Gifted Talented”. Larry den su bida a traha cu mas di 3000 educador y 50.000 hoben. Pa mas informacion di Larry Bell bay riba su website www.larry-bell.com.

E lo papia over di e trabao di un educador, e problemanan cunan ta enfrenta, e lo papia di bullying, stress y con pa duna mas motivashon bou educadornan y tambe e lo papia di con pa deal cu hobennan di awendia. E tema di su presentacion ta:

“The Power of a Teacher – Through High Expectations”

Durante e Teacher’s Appreciation Conference aki, tambeMGM Source lo divulga e resultado di e encuesta teni na Aruba den luna di Maart bou tur hoben di schoolnan basico y secundario y bou tur maestro di Aruba.

Bin scucha contestariba preguntanan manera: Cuanto ora un hoben ta gasta pa dia na Netflix, internet y wega di computer, con nan ta haya school, kico ta cambionan cu hobennan kier wak, cuanto hoben ta biba cu un solo mayor, cuanto hoben ta haci deporte, ki idioma nan kier haya les aden, tambe haya contesta kico ta e cambionan cu meastronan kier na school y pa IPA.

Tambe ki problemanan nan ta enfrenta, cuanato tempo nan ta gasta na problema social di hobennan, cuanto di nan ta worde agredifisicamente y mentalmente, ki solucion nan ta presenta pa enseñansa? Haya sa pa bo mes kico ta come y bebe den nos enseñansa na Aruba.

Bin pa abo tambe worde inspira door di Larry Bell

 

- Advertisement -

DUNA COMENTARIO

Please enter your comment!
Please enter your name here