Home Enseñanza Maestronan ta bisa cu SKOA a haci nada riba nan proposicionnan pa...

Maestronan ta bisa cu SKOA a haci nada riba nan proposicionnan pa Pius X School

57
0
SHARE
- Advertisement -

ORANJESTAD(AAN): — Sheila Tromp-Lazo, como cabesante di e scol y como presidente di Simar, ta para tras di e docentenan pa loke ta e accion cu a cuminsa na scol. Naturalmente como cabesante, kico e docentenan ta pasa aden dia aden, dia afo. Como scol, nan mes a cuminsa na e prome momento cu nan a haya e bentananan y a ripara cu e situacion no ta bon, e mecanismo no ta bon. A cuminsa bati porta na SKOA riba esaki. A atende cu e compania directamente, pero ora cu e temporada di e garantia a pasa, a bay SKOA.

Nan tin actividadnan cu nan ta haci y e scol mes tabata purba di soluciona nan mes cu nan propio fondo, pasobra nan no tabata wak e solucion ta yega. Tabata meld na taskforce, manera cu mester haci’e como scol, pero ora nan bin wak e situacion of e situacion ta demasiado, manera cu nan a pensa prome, of no tin fondo pa haci esaki.

E ora ta keda pega den e situacion. Cada biaha scol ta purba di yega na un solucion. Ultimo e docentenan a manda SKOA un carta. A sinta cu nan na mesa y bisa cu no por cu e situacion mas. Aparentemente ora cu no ta den e situacion, nan no ta sinti’e.

E docentenan ta sinti esaki tur dia. A bin cierto proposicionnan di parti di SKOA, pero a ripara despues tambe cu un temporada a pasa y nada a wordo haci. E ora a dicidi dialuna cu a yega e momento cu ta basta. Mirando e periodo di scol, unda cu e docentenan a evalua cu ta na ultimo momento, mayoria di e lesnan ta afgerond. Mayoria di e klasnan ta cla y nan a bisa cu nunca nan kier perhudica e muchanan.

Tabata tin un momento cu nan a sali for di scol duna les bao di palo, cual no ta e situacion ideal. Nan a demostra toch nan deseo di sigui cu enseñansa, pero awor aki si nan a bisa cu ta cla, mirando tambe cu hopi mucha ta birando mas malo. Tin mayornan ta bin duna nan keho. Tin docentenan cu a bira malo. Tabata un situacion cu ta andando, pero awor aki nan a bisa ta cla.

Henry Barrera ta un docente cu tabata hunto cu su coleganan cu a sali afo. El a splica cu e ta vocero di e coleganan. Nan ta super contento, na prome luga cu e minister a presenta. E ta habri pa yuda e scol. Esey ta e parti principal. E cabesante tambe ta wordo gradici, mirando cu semper e tey pa yuda. Nan tin un presupuesto hinca na SKOA cu e cabesante por a uza, cual ningun hende tabata sa. Awor aki tin cu bay sinta na mesa como hende grandi, pa asina por trece un claridad y asina e minister por speed up. Awo e docentenan lo bay manda un carta pa e minister copy conform SKOA. E carta lo ta uno positivo mirando cu a mira un solucion na caminda.

 

 

- Advertisement -

DUNA COMENTARIO

Please enter your comment!
Please enter your name here