Lanta mainta cu peishi no ta e manera cu bo kier lanta mainta y no ta tur ora, bai cumpra un crema of jabon medico ta e solucion apropia pa esaki. Bo tin di wak prome kico ta e causa y si por tin un caso tin di haber cu bo salud manera deficiencia di nutricion (vitamina of mineral) of un sensitividad/tolerancia pa cu cuminda .
-CABEI NA CARA
Pa hende muhernan, cabei na cara por nifica un desbalanse hormonal.
-ACNE
Aunke e ta varia di caso pa caso, Acne por ta causa di mal nutricion (cuminda procesa y vet)
-CIRCULONAN SCUR BAO DI E WOWO
Drumi tiki of drumi malo no ta e unico causanan di circulo preto of scur bao di e wowonan sino e por ta un alergia tambe cu ba haya of sa haya di cierto cumindanan cu no ta bao bon cu bo.
-PEISHINAN CHIKITO BLANCO OF CORA
Aunke nan parse peishi, tin biaha nan ta un condicion di e cuero yama KERATOSIS PILARIS cu ta falta di Omega 3, e mineral Zink y Vitamina A.
-PEISHI DI E SKINA DI E LIPNAN
Esakinan tambe tin di haber cu cuminda…falta di hero y vitamina B…vooral B2 y B12. Spinazi, boonchi y un Lomito (limita) lo yuda cu esaki.
-WENKBRAUW
Si esakinan ta birando mas fini, e por ta debi na bo THYROID. Check cu bo dokter pa cu esaki!
-COLOR PALIDO
Anemia, Falta di Vit B6, B12 y hero por ta e cause cu bo ta mustra bleek
-CUERO SECO
Esaki mi ta kere boso tur sa cu ta pa falta di bebe suficiente AWA …PERO e por ta falta di vet PolyNoSatura manera Omega (pisca salmao) of Omega 6 (pinda)
-ARRUGAS (wrinkles)
Fata di Vitamina C por ta causa di esaki. Vitamina C ta un tremendo anti oxidate cu ta yuda construi colageno. Colageno por yuda cu cuero seco tambe.
