ORANJESTAD(AAN): — Un di e reaccionnan cu a bin riba caya, ta e asunto di Sunrise Solar Park y bouwvergunning. Segun Marlon Croes, director di DOW, ta pidi un bouwvergunning pa e tipo di construccion asina aki. Pero ta un construccion cu en principio no ta duna problema pasobra e no ta un espacio habitabel.
E mester ta un espacio habitabel cu ta haci uzo di dje, cu mester di un bouwvergunning sigur pa por sigura cu e ta ok. Pero den e caso aki ta un tereno basicamente isola y tambe tin cu entrega e documentonan y lo procesa esaki.
Mescos cu a procesa esun na aeropuerto, ta wak’e y ta release un bouwvergunning p’e.
Segun Croes, trabaonan preparatorio di pone fundeshi, esta e scabacion no tin mester di permiso di construccion. Ora cu bay pa basha beton, mester di un bouwvergunning. Na momento cu hay’e, ta procese lihe. No ta algo cu ta bay cana un caminda largo, solamente ta e constructie berekening ta wak y parti estetica, ta conoci, dedica pa ta un parke solar, cu e ora ey ta duna un permiso hopi lihe.
Esaki tin cu wordo manda ainda. Probablemente, den ausencia di Croes, e vergunning por a drenta, pero te asina leu, e no a mira e document.
