Home Suceso Medida tuma mesora ora a detecta derame di azeta riba lama dilanti...

Medida tuma mesora ora a detecta derame di azeta riba lama dilanti Savaneta

106
0
SHARE
- Advertisement -

ORANJESTAD(AAN): Diamars atardi laat, for di tera na Savaneta hendenan a cuminza nota cu algo ta pasando riba lama.

Nan a mira con riba lama, tin un tugboat pero tambe personal di kustwacht y boto di Polis den e area pafo di rif.  A mira cu tabata bashando algo den lama.

Ora a busca informacion a resulta cu a descubri un derame di azeta ta drief riba lama.

E momento ey no tabata mustra peliger pero asina mes a bay den accion. A bay den accion pa controla e situacion cu quimico y tambe pa haci un investigacion. Con serio of con grandi e dimension ta no por a keda confirma mesora.

Solamente cu den combersacion cu kustwacht nan a confirma cu tin oilspill y cu tin trabaonan ta worde haci di dje.

Di mes ta trata di controla esaki pa e no yega tera. Tabata mira den ki direccion e coriente ta bay pa asina evita cu e oilspill por afecta e costa. E tabata basta cerca tog di tera.

For di tera tabata mira e trabaonan andando.  Kustwacht y Polis Maritimo a sigui cu nan investigacion mientras cu e tugboat tabata basha e quimico necesario cu vigilancia di autoridad riba lama.

 

- Advertisement -

DUNA COMENTARIO

Please enter your comment!
Please enter your name here