Home Deporte Mester manda un señal cla y raspa cu violencia no ta wordo...

Mester manda un señal cla y raspa cu violencia no ta wordo acepta riba tereno di baseball

1491
0
SHARE
- Advertisement -

ORANJESTAD (AAN): Berguensa, inaceptable hopi lamentable pa locual cu ta trata un incidente cu a tuma lugar durante un partido di baseball. Diario deportivo ta condena na momento cu agresion fisico ta tuma lugar na momento cu hobennan ta practica deporte. Diaranzon anochi durante continuacion di Interleague Subway Series categoria Senior entre Center League y North League, un pelea formal a start entre 2 hungador den pleno partido. Un pitcher durante su lanzamento accidentalmente a dal un bateador cu e bala, cu a pone cu e bateador a bira furioso y a bay directamente riba e pitcher y akinan a cuminsa agredi su persona. Segun version cu Diario Deportivo a obtene cerca algun testigo presente, ta cu e manager di North League mester a menciona den break, cu e ta bay duna ordu pa su pitcher dal un total di 3 bateador ora cu nan bati. Di otro banda, algun persona y hungador a scucha esaki y sigur esaki no a cay den bon tera. Tin indicacion tambe cu e umpire principal a scucha e declaracion aki, pero a opta pa no actua. Algo di lamenta mirando cu e ta e autoridad maximo riba tereno. Na momento cu e incidente a tuma lugar, e umpire e momento ey a opta pa saca Manager, pitcher y e bateador for di wega. Varios persona a cuestiona e decision di umpire pa saca e pitcher y e manager e momento ey, mirando cu ta e bateador a cuminsa full e problema. Segun e umpire e pitcher a dal e bateador intencionalmente, cu atrobe ta algo di cuestiona. Di parti Diario Deportivo nos ta lamenta incidentenan asina, mirando cu nos hobennan ta bay veld pa practica deporte y no bringa. Si bo persona ta gusta bringa, e ora ey bo mester practica e deporte di boxeo, mma y tur esnan cu ta permiti pa bo bringa. Pa colmo Diario Deportivo a logra pa scucha un entrevista cu e bateador cu nos coleganan di Sportszone a realiza, y aki nos mester bisa cu e actitud / caracter di e hoben aki, ta completamente for di sla. Un hit by pitch ta parti di baseball. Un hit by pitch no ta duna abo e opcion pa by hit the pitcher. E bateador a vocifera cu porta e ta bay haya 1 wega di straf, y despues e ta bek riba tereno. Di parti Diario Deportivo nos ta haya esaki un hilaridad completo. Si bo kier manda un señal cla y raspa, e hoben aki su season a termina, ta expulse for di seleccion pa e compronde cu aki no tin wega y ta deporte bo ta bin pa practica. Ta di spera cu nos mensahe por yega na e directiva concerni y alaves na e mayor (nan) di e hoben aki.

- Advertisement -

DUNA COMENTARIO

Please enter your comment!
Please enter your name here