ORANJESTAD(AAN): Diabierna mainta a tuma luga apertura di Cas Speransa Nobo cu ta situa na Alto Vista pa asina yuda adictonan na droga. Minister Arthur Dowers tabata tey presente na e apertura aki y a dirigi algun palabra na e ocasion aki.
El a comenta di e complexidad di e materia di droga. E minister ta un di e personanan cu semper a bisa cu mester keda leu for di droga. Esey no ta kita afo cu tin un responsabilidad sumamente grandi pa atende cu e problematica cu ta un realidad den tur sociedad. Un cos importante cu tin cu bisa cu e ta dun’e speransa. Si tende di un cas Speransa Nobo, cu ta existi di 20 pico aña pasa. Ta mira e Speransa Nobo como un speransa di tur dia. Pesey ta posibel door cu e nan ta haci un cos sumamente importante cu ta wordo duna na nos comunidad.
E minister a sigui splica cu hopi mucha jong den nos comunidad ta wordo menasa door di droga. Sa e ora di e menasa cu tin den nos sociedad. E minister ta keda bisa no contra droga. Ta ripara cu e tabata un tempo cu a bisa gewoon no contra droga habri. Awo ta parce manera cu hende tin miedo cu ta bisa no contra droga, pasobra mesora ta cay bao di atake.
Ta spera di sali yuda, brasa, sostene, yuda esun cu ta bira malo, pa bisa tambe na e mucha y famianan no.
E minister a topa cu hopi di e adictonan den nan carera cu tur dia nan kier sali. Pero e ta hopi duro y nan ta sali un siman y nan ta cay bek. Pesey ta kere cu hopi di nan mes tambe no kier pa otro drenta den e cos eynan. Mester keda duna nan e curashi pa bisa No tambe contra di droga. No ta solamente e tratamento. E tratamento ta necesario.
E mandatario a bisa algo importante. Husticia tin e begroting di drugshulpverlening. Pero esaki ta wordo carga door di profesionalnan. Tin retonan grandi cu ta wordo crea door di hopi aña, pero e begroting aki ta dedica na cuido di hende. No ta un begroting no ta pa cera hende. E ta esun di mas grandi di husticia. Ta un begroting cu tey y ta uze netamente pa sostene e personanan cu ta haci e trabao aki.
E minister a bringa hopi pa haya mas placa pa por traha riba e departamento aki y nan ta logra tambe. Por a mira cu a bin un tiki mas cen acerca pa por yuda esnan den e problema di adiccion. A logra haya 100 mil caba extra disponibel y lo uz’e hustamente na bienester di esnan cu por cay y esnan cu a cay durante tratamento.
E minister a desea e empleadonan hopi forsa cu e institucion.
E minister ta sumamente inspira y tin confianza den nan. E no ta kere cu Gobierno por soluciona problemanan di adiccion. E problema di adiccion ta wordo soluciona door di e ser humano, door di hende, door di saca man pa otro. Ta pesey e minister ta keda bringa. E no ta kere den cera hende, ni e muchanan awor aki cu ta comete crimen, no kier cera nan. Si ta p’e, ta trata nan. Trata e muchanan ora nan tin problema. Pa trata un mucha den na un centro Ortopedagogico, ta un contra indicacion si un mucha ta uza droga. E ora el a bisa miho cera e centro, pasobra tur mucha awendia tin problema, ta uza droga. Si no hinca nan den centro, kico ta haci cu nan e ora. Ta spera cu por partner cu e centro aki tambe pa asina duna mas tratamento pa hende muhe cu ta cay den adiccion, of tambe sea famia y e muchanan.
