Home Enseñanza Minister Michelle Hooyboer-Winklaar ta confirma cu no a haci ningun cambio den...

Minister Michelle Hooyboer-Winklaar ta confirma cu no a haci ningun cambio den normanan nacional pa admision di MAVO pa HAVO

36
0
SHARE
- Advertisement -

ORANJESTAD (AAN): Minister di Enseñansa, Michelle Hooyboer-Winklaar, a tuma nota di algun informacion y relato publica riba medionan social y den medionan di comunicacion riba posibel cambionan den e maneho di admision di alumnonan di MAVO na Colegio Arubano. E titular di enseñansa a pidi intervencion mesora di Inspector di Enseñansa mirando cu e informacion publica no ta cuadra cu e normanan nacional aproba na Mei ultimo.

Desde cu a nacionalisa e normanan di admision algun aña pasa, e proceso y decision final no ta den man di un school so mas, pero esaki ta den man di un comision cu ta consisti di diferente stakeholders cu hunto ta formula un proposicion pa Minister di Enseñansa. Esaki ta nifica cu cada school individual no por ahusta of haci cambio riba normanan di admision sin mas.

Minister Michelle Hooyboer-Winklaar despues di a consulta cu Dienst Inspectie van het Onderwijs ta confirma cu e normanan nacional pa admision di MAVO pa HAVO pa aña 2017-2018 a keda mescos cu e aña anterior, pues no a conoce ningun cambio. E normanan aki a keda acorda dia 9 di mei ultimo a base di conseho di e comision.

Minister a pidi Inspector di Enseñansa pa tuma contacto cu Colegio Arubano pa asina por clarifica e informacion publica. Despues di a consulta cu Colegio Arubano, e Inspector di Enseñansa a confirma na Minister cu en berdad e carta publica tabata contene algun informacion incorecto y esaki ta loke a causa confusion cerca e schoolnan MAVO.

Dienst Inspectie van het Onderwijs a palabra cu Rectorado di Colegio Arubano cu lo manda un comunicado na e decanonan di MAVO cu e informacion corecto y alavez lo manda yama un reunion pa asina clarifica e puntonan.

- Advertisement -

DUNA COMENTARIO

Please enter your comment!
Please enter your name here