Home Hudicial Minister Paul Croes a ricibi tur su computernan bek di Ministerio Publico

Minister Paul Croes a ricibi tur su computernan bek di Ministerio Publico

181
0
SHARE
- Advertisement -

ORANJESTAD(AAN): Despues di e razzia y “huiszoeking” di dia 28 di maart ultimo, den cual a bishita 13 diferente adres, LandsRecherche y otro ekiponan hudicial a bay Bestuurskantoor tambe. Ey a drenta den oficina di Minister drs. Paul Croes y a bay cu varios computer di su empleadonan.

Diamars 6 juni 2017 LandsRecherche a entrega e BlackBerry, 5 computernan y USB Sticknan back, mustrando cu no tin necesidad pa tene e computernan aki mas como evidencia.

For di fuentenan cerca di e investigacion, ta tende cu husticia ta tumando hopi tempo pa e caso aki. No a interoga ningun trahadornan di e Minister te cu dia di awe! Esaki ta incluyendo Minister Paul Croes, cu a opta pa distancia for di su funcion pa duna LandsRecherche oportunidad pa maniobra. Pero ta nota cu tempo ta pasa y no ta interogando e personanan envolvi of cu ta sospecha di ta envolvi.

Conocedonan di ley di otro banda ta sinti cu debolbiendo e computernan back, ta duna un señal positivo pa e investigacion mes andando. Otronan ta sinti cu e hecho cu no a detene e ningun di e personanan cerca di e Minister tampoco Minister Paul Croes, ta mustra cu e caso no ta cla of no tin suficiente motibo pa tin e sospechoso encarcela.

Awe nos a haya confirmacion cu otro siman abogado mr. Marije Vaders, encarga cu defensa di Minister Paul Croes, lo ta na Aruba pa ofrece un conferencia di prensa pa duna informacion actualisa riba e investigacion di Ministerio Publico contra su cliente.

Den esaki ta tene cuenta cu ta purba investiga un politico activo 6 luna prome cu eleccion, strobando su carera, secuestrando henter un gobernacion y purba di influencia resultado di eleccion den un pais.

Tur esaki ta valido, den caso cu e investigacion ta mustrando den direccion criminal y cu detencionnan di sospechosonan a cay. Como cu despues di mas di 2 luna ainda esaki no a sosode, ta mustrando cu e caso sea no ta fuerte suficiente of cu ta awo ta purbando pa acumula evidencia.

 

- Advertisement -

DUNA COMENTARIO

Please enter your comment!
Please enter your name here