Minister Sevinger mustrando cu tin deficit grandi pa otorgamento di tereno

    72
    0
    SHARE
    - Advertisement -

    ORANJESTAD(AAN): Na Aruba, tin rond di 14 mil peticion pa vivienda, di cual e ROP ta papia cu si mira e crecemento economico cu tin, mester un 3% economische groei cu lo trece rond di 1000 tereno pa aña cu tin cu duna y si mira den e ultimo añanan, no a yega 1000 den 8 aña.

    Esey kiermen cu ta den deficit grandi pa loke ta otorgamento di tereno. Ta purba di catch up pa esaki door di haci nan inbreidingsplan. Esey ta nifica cu terenonan cu ta cay den e zonanan unda tin vivienda caba y unda ta posibel ta kavel esakinan y ta cuminsa duna hende pa nan traha nan cas y despues lo wak cambionan cu mester sosode pa por duna oportunidad na mas otro persona traha nan propio cas.

    Awor aki, Gobierno ta ocupa cu como 1.000 cu ta keda cla den e proximo dianan.  Esaki apenas ta un ‘druppel’ di e 14 mil peticion.

    Mester sigui produci tereno den zonanan cu no ta protehi, cu por duna esakinan. Pero sinembargo tin cu tene cuenta cu desaroyonan y tin cu trece kavelnan mas chikito. Tin cu cambia rooilijn pa mas hende por haya chens di traha nan vivienda.

    Proyectonan nobo manera di Burubundu, tambe lo bay alivia cu 1.200 unidad pa vivienda.

    Atrobe e ta un proceso. Na momento cu tin un isla chikito, cu no ta crece mas y tin un gran parti di e isla protehi pa naturalesa, cu ta papia di mas di 66% di e pais ta protehi di un forma of otro, e ora loke a resta ta 33% pa por traha vivienda y desaroya economiamente, di cual e porcentahe aki practicamente ta yen caba. E ora sa caba e dilema cu tin, ta con ta bay sigui duna tereno pa traha cas y di ki forma tin cu haci esaki.

    Riba esey ta bezig, den e ultimo añanan pa wak con ta trece e combinacion ey, entre duna tereno pa vivienda y conserva nos naturalesa cual no ta algo facil. Hopi hende ta para un banda, grita, pero e parti di soluciona poco recomendacion ta bin.

    Sinembargo esey ta nan trabao. Tin e expertonan cu ta yuda den esaki y poco poco ta bin cu e solucionnan riba mesa pa por alivia e comunidad cu ta sperando riba un pida tereno pa traha nan propio cas, segun e minister.

     

    - Advertisement -

    DUNA COMENTARIO

    Please enter your comment!
    Please enter your name here