Home Comentario Muchanan cu ta keda so den cas ora mayornan ta traha tambe...

Muchanan cu ta keda so den cas ora mayornan ta traha tambe ta core peliger

40
0
SHARE
- Advertisement -

Mal influencia por bin cerca nan:

ORANJESTAD (AAN) – Tabata tin algun reaccion tocante e comentario publica den nos edicion di Diabierna, titula: “Ni un mucha ta nace pa tuma un caminda robes: tur cos tin causa y efecto!”

Un ciudadano a duna su opinion, ya cu el a comenta cu e tema ta hopi bon elabora, pero e ta sinti cu falta algo. Esaki e kiermen, ta e aspecto cu pa motibo cu awendia mama y tata tin cu traha, hopi mucha cu no tin un caminda pa bay despues di scol (famia of traimerdia) tin cu keda na cas nan so, y mayornan  no por tin bista riba nan, y eynan tin un gran peligro cu nan wordo influencia pa cualkier hende pafo di cas.

Ta hopi dificil pa un mucha entre 12 pa 16 aña, cu ta e etapa di mas vulnerable di pubertad pa adolescencia, keda cas haci huiswerk, y no bay hunga pafo un rato. E mucha no tin ningun mal intencion di haci cosnan cu no ta bon, pero ta ken nan ta topa pafo? Ta ken ta probecha di mustra nan e caminda cu nan no mester tuma?

Esey sa sosode, segun e lector, y mas cu nos ta kere. Pesey, ora esaki ta e caso mayornan mester sinta prepara e mucha hopi bon mes, mustre riba tur peligro cu por tin pafo di cas, entre otro cu nan por bin ofrece droga y na dado momento cu e mucha por sinti su mes den hopi soledad, e por tume pa calma su tristeza of hasta nervio.

Un bon punto treci dilanti sigur. Realmente e tema ta delicado y hopi amplio, e motibonan cu por haci un mucha bay den caminda robes ta hopi y varia. Y lamentablemente, awendia, tin barionan unda casnan por ta pega na otro, pero e bisiña A no sa ken ta su bisiña B, y nan ni un ta tira un bista pa e yiu di e otro. Hende straño por drenta un bario y haci amistad cu un mucha, un hoben, mustrando un cara cu ta mustra amable y dunando conseho cu por ta disfraza di bondad, pero cu ta yen di maldad.

 

 

- Advertisement -

DUNA COMENTARIO

Please enter your comment!
Please enter your name here