Home Hudicial Muher Chines mes a cancela apelacion contra sentencia di a mata director...

Muher Chines mes a cancela apelacion contra sentencia di a mata director di Serlimar

1917
0
SHARE
— E muher Chines a haya castigo di 10 aña.
- Advertisement -

ORANJESTAD (AAN):  E caso di e muher Chines cu a hinca mata e director di Serlimar, difunto Fingal, no ta bay mas Corte Superior. Investigacion cu DIARIO a haci ta mustra cu ariba peticion di e acusado M.T., abogado mr. Lejuez a hala aden e apelacion cu a haci contra e sentencia di 10 aña di prison pa a mata e director di Serlimar, difunto Fingal.

    NO TA APELA E 10 AÑA DI PRISON:

Dia 21 di April 2017, den su sentencia Hues a bisa cu riba 11 Juli 2016, intencionalmente M.T. a kita bida di Fingal.

Hues a mustra cu e abogado mr. Lejuez a papia cu M.T. a actua den defensa propio. Hues a bisa cu e ta rechaza esaki totalmente.

Hues ta haya cu M.T. ta castigabel y pa cu e castigo e ta tene cuenta cu M.T. a hinca e victima Fingal mas biaha cu un cuchiu.

Hues a sigui bisa cu ademas di tur e hincanan, M.T. a dal e victima cu martieu riba cabez y fractura e weso di cabez.

Na opinion di Hues, no ta exclui cu e victima a tene M.T. cu intension sexual. Esaki ta na beneficio di M.T., pero di otro banda, Hues ta haya cu M.T. a actua demasiado severo.

Hues a mustra cu mata un hende ta un caso hopi serio y cu M.T. a kita un ser keri for di e famia. E famia awor lo mester keda biba cu esaki. Hues a bisa cu e ta tuma M.T. na malo pa esaki.

Hues ta haya M.T. culpable di a mata y tambe di a menaza un preso cu morto. Ta delitonan hopi serio y Hues ta haya e exigencia di Fiscal na su lugar y ta confirma esaki. Hues a condena M.T. na 10 aña di prison, kitando e tempo cu e ta sera den KIA.

Na Mei 2017, DIARIO a publica cu e muher Chines a apela e sentencia y Fiscal tambe. Awor na Juni 2017 tin un desaroyo nobo caminda a para e apelacion. DIARIO por a compronde for di abogado mr. Lejuez, cu riba peticion di e acusado M.T., a hala e apelacion contra e sentencia di 10 aña di prison aden.

    FISCAL NO TA SIGUI INVESTIGA:

Investigacion cu DIARIO a haci ta mustra cu Fiscal tambe a dicidi di hala e apelacion aden y na mes momento a dicidi di stop e investigacion cu el a anuncia den Corte den Promer Instancia cu e lo bay haci riba yamadanan via cellular.

DIARIO a publica expresion di Fiscal den Corte, caminda Fiscal a mustra cu tin indicacion cu e victima Fingal a fia e muher Chines M.T. placa pa e lanta e beauty salon. Fiscal kier a check yamadanan di cellular cu Fiscal ta kere cu lo por trece claridad den e investigacion di matamento di Fingal. El a hasta menciona cu na Januari 2016, e victima Fingal a lanta 21 Mil Florin for di banco y e mesun dia, e victima tabatin reunion cu e muher Chines M.T.

Awor cu tanto abogado mr. Lejuez como Fiscal a hala e apelacion aden, Fiscal a dicidi pa stop e investigacion. Tur e indicacionnan cu Fiscal a menciona, awor ta keda un misterio.

 

- Advertisement -

DUNA COMENTARIO

Please enter your comment!
Please enter your name here