Home Enseñanza No por mas cu situacion na scol. Docentenan a pone trabao abao...

No por mas cu situacion na scol. Docentenan a pone trabao abao na Pius X den

245
0
SHARE
- Advertisement -

ORANJESTAD(AAN): —- E situacion di Pius X School ta fastioso y e docentenan ta preocupa. Henry Barrera di klas 6b, a splica cu nan ta fada di e situacion di nan scol. Bentananan di klas no ta habri, porta ta dal cera. Den pasado a yega di informa SKOA y cabesante hopi biaha. E ta purba di yuda. Scol mes a purba di haci riba su mes pa drecha e bentananan. Hendenan di Gobierno a bin mira, pero nada no ta wordo haci. Ta duna les den klas entre 11’or di mainta pa 1’or di merdia, y ta bira un forno. E calor ta bira entre 37 y 41 grado tur dia pa full un aña. E docentenan ta percura pa cumpli cu e muchanan door di duna les, pero nan no por mas. Tin colega ta bira malo door di esaki.

Ayera mainta nan a dicidi di para y informa e cabesante cu tur respet, pero no ta drenta klas pasobra no por cu a situacion mas. Dos fan no ta yuda den klas.

Un otro factor ta cu antes nan ta bin bisa cu muchanan tabata bay scol y no ta keha, no tabata tin airco. Pero antes ta 10 mil auto tabata tin na Aruba. Awor aki nos tin casi 80 pa 90 mil auto. E calor di e autonan tur dia, e zonido. Ambulance ta pasa, polis, tur e desordo eynan. Barrera ta invita esnan di e instancianan concerni, pa bin sinta den e local entre 11’or pa 1’or y tene un reunion despues. Full e portanan cera y bentananan cera, pa nan sinti kico ta calor, y kico e muchanan ta pasa aden. E docentenan si a percura pa cumpli cu nan lesnan, pero awor aki no por mas.

A yega di reuni cu Josette Daal di SKOA y demas funcionarionan y nan a keda traha riba esaki. Docentenan a percura pa tin un rapport di DTI, a percura pa diferente otro cos. Nan a priminti cu nan ta bay papia cu e minister. Tin di compronde cu tin un supuesto comision pa traha riba e cosnan aki, pero nada no a bin afo. E solucion ta e airco, pero nan tin cu siña presupuesta e cosnan aki tambe. Por bay den lease agreement awendia cu companianan cu ta traha cu airco. Ta Gobierno tin cu para garantia. No ta gran cos. Docentenan mes ta traha y suministra e pagonan. Pero haci algo, e docente ta splica.

Tin varios scol cu tin comision di mayor pa cosnan cana netjes pa nan yiunan ta bon acomoda na scol. Barrera a splica cu den pasado nan tabata tin comision di mayor den pasado cu a yuda hopi. Pero tur loke a bin aden na entrada, nan a bin ta drecha otro cosnan na scol. E mantenimento di e scol ta door di esey. Tur loke nan ta haci na fundraising, tur e placa a bay na mantencion di e scol mes. E ta dificil pa recauda fondo. Si bo ta mantene scol bo mes, y otro banda ta haci fundraising exigi e mayornan pa airco.

E scol tin 55 aña y ta ora pa bin na un renobacion. Gobierno, hunto cu SKOA y tur otro instancia, nan tin cu bin hunto, bin cu un plan, con nan ta bay pak aan e situacionnan aki. Esnan cu ta sinta tras di e lessenaar, cu ta djis manda hende bay wak y nan mes no ta bin mira, no sa kico e docentenan ta biba aden. Barrera ta invita nan pa nan bin, sinta den e klasnan, no un dia, sino varios dia tras di otro, pio ora yega temporada di horcan. Pio ora drenta September pa November. Sinta den e localnan, pa nan ripara con e muchanan ta pasa aden. Henter dia e muchanan ta soda. Nan ta pidi cada biaha pa awa, pa bay baño, etc. y e docentenan no por mas.

Ayera e accion a start. Si no tin oido, e accion aki ta keda bay.

- Advertisement -

DUNA COMENTARIO

Please enter your comment!
Please enter your name here