Home Salud No tin registro di casonan di influenza na Aruba

No tin registro di casonan di influenza na Aruba

13
0
SHARE
- Advertisement -

Dr. Maritza Ordoñez:

ORANJESTAD (AAN) – Matutino DIARIO a acerca dr. Maritza Ordoñez, di Departamento di Salubridad Publico, tocante e tema di Influenza.

Dr. Ordoñez a menciona cu aunke Aruba no ta un pais asina desaroya manera otronan, nos Isla ta bon para cu respecto Influenza.

El a splica cu Influenza no ta para pero e ta sigui circula door cu nos ta un pais turistico. “Pero apesar di esey, mi no ta lubida e campaña di November 2016 cu pa nos tabata un exito. Alomenos cinco mil vacuna a wordo duna na hende grandi mas tanto, referi pa docternan di cas. Nan tabata riba 60 aña di edad cu ta core mas riesgo y ta e grupo mas vulnerable. Y e grupo mas chikito nos ta pendiente di dje tambe”, dr. Maritza Ordoñez a subraya.

E docter a menciona cu ainda a resta algun vacuna pa loke ta resta di e aña aki pero na October ta bin e lote di e aña aki.

El a agrega cu semper e Departamento di Epidemiologia y di Malesa Contagioso ta keda vigilando si afo, aki cerca di nos, tin berdad algun brote. Di esey no tin ningun conocemento, sinembargo, e ta aconseha pa e personanan cu a logra na November haya e vacuna durante e campaña, pa bin buske na Departamento di Malesa Contagioso pasobra tin vacuna ainda. Pa hende grandi y pa mucha e ta gratis.

Dr. Ordoñez a tuma contacto cu docternan, Eerste Hulp, y tur otro instancia concerni y no tin registro di influenza. Loke ta keda circula ta adenovirus, rhinovirus,  pero sin ningun complicacion te aworaki, danki Dios.

El a subraya tambe cu semper Departamento di Salud ta keda pendiente y si na Eerste Hulp ta drenta tres of cuater turista cu e mesun sintomatologia,  departamento di Higiene di Hospital mesora ta tuma contacto cu e seccion di Malesa Contagioso di DBZ y de paso ta bay bay pa Epidemiologia, y nan ta wak si tin algun aumento di un  malesa cu turistanan. Te aworaki esey no ta e caso. El a subraya cu semper tin e posibilidad cu tin turista ta drenta cu griep, pero cu tin aworaki un aumento di griep door di turistanan, no ta conoci pa awor.

Hospital ta wordo pidi pa si algo asina presenta tuma contacto cu Salubridad, pa nan pone aviso den aeropuerto y guia e turistanan riba kico nan tin cu haci, ademas di indica cual ta e medidanan general cu por tuma pa nos poblacion.

Tambe Douane y Imigracion ta haya instruccion riba kico nan tin cu haci ora tin crusero of vuelonan cu ta bin di diferente pais. En todo caso, el a reitera cu nada di esey ta sosodiendo aworaki.

Bientonan di Zahara:

Tambe el a wordo puntra tocante e efectonan di e bientonan di Zahara, cu ta trece hopi stof pa nos Isla, y dr. Ordoñez a splica cu e encerados aspecto: problema y beneficio.

Problemanan respiratorio: mas tanto ta afecta hende grandi cu ta sufri di problemanan asmatico y alergia. E ta sosode tur aña y no por evite.

Beneficionan: E bientonan di Zahara ta bin carga di mineral pa nos suelo, bon pa cultivo.

 

 

 

 

 

- Advertisement -

DUNA COMENTARIO

Please enter your comment!
Please enter your name here