Home Tempo Ola Tropical por trece awacero fuerte Diaranzon anochi y Diahuebs na Aruba

Ola Tropical por trece awacero fuerte Diaranzon anochi y Diahuebs na Aruba

670
0
SHARE
— Imagen di satelite ta mustra con grandi e Ola Tropical ta.
- Advertisement -

ORANJESTAD (AAN): Un Ola Tropical cu ta moviendo Diaranzon merdia den parti zuidwest di Caribe, lo por percura pa awacero modera te fuerte.

E Ola Tropical tin un area di nubia ta acompañe for di Venezuela bay te na Islanan Ariba.

Segun observacion, e Ola Tropical aki ta moviendo direccion pabao cu 28 km/h.  Nubianan aki ta produciendo yobida algun caminda djis modera, pero otro lugarnan cu yobida isola fuerte.  Departamento Meteorologico Aruba ta indica cu e chens pa yobida ta 40 porciento.

E Ola Tropical lo pasa cu mayoria tempo panort di Aruba.  Pero awe Diaranzon anochi y riba Diahuebs mainta, temporalmente nubianan lo aumenta riba e region aki cu awacero localmente, tin chens pa lamper y strena.  Algun di e awaceronan aki por ta fuerte y por ocasiona molester riba cierto parti di e isla.  Meteo ta pronostica cu Aruba lo bay haya entre 1 mm y 10 mm di awacero awe Diaranzon anochi.  Pa Diahuebs nan ta calcula cu Aruba lo haya entre 3 mm pa 15 mm.

Biento ta for di direccion principalmente pariba y velocidad modera, tin biaha e ta basta fuerte entre 13 y 39 km/h.  Diahuebs madruga y mainta durante awacero por bay tin algun rafaga fuerte entre 40 y 50 km/h.

Pa lama rond di Aruba, Departamento Meteorologico Aruba (DMA) a emiti un advertencia pa botonan chikito riba lama.  Pasobra ora cu awa yobe, lama lo bay bira hopi bruto mes.

Normal e olanan riba lama ta entre 1 y 2 meter.

- Advertisement -

DUNA COMENTARIO

Please enter your comment!
Please enter your name here