Home Beyeza Ooh Lala! Festival di Beyeza di Maggy’s lo hiba bo Paris

Ooh Lala! Festival di Beyeza di Maggy’s lo hiba bo Paris

61
0
SHARE
- Advertisement -

ORANJESTAD (AAN): Otro siman entre dianan 26 di Juni pa 1 di Juli, Maggy’s ta cla cu nan evento di beyeza anual, e conocido Beauty Festival, cu e aña aki lo hiba bo den un experiencia y ambiente di Paris.

Manera tur aña, Maggy’s lo introduci productonan nobo di nan marcanan mas renombra, manera Clarins, Guerlain, Shiseido, Lancome, Chanel y Dior. Esakinan lo ta disponibel tanto na Paseo Herencia como den Caya Grandi. Pero sin lubida na San Nicolas y Sta. Cruz.

Otro marca manera Sisley lo ta presente den Maggy’s Mainstreet di diahuebs te cu diasabra, pa duna tur nan clientenan tratamento manera facial y consehonan riba ki producto pa uza dependiendo di nan tipo di cuero. Marca manera Shiseido, lo ta presente solamente na Paseo Herencia, na unda un artista internacional lo haci facialnan cu clientenan y un beauty advisor lo duna ‘tips and tricks’ riba make-up.

Guerlain tambe lo ta presente cu nan make-up artist Nevin Ramos, na Paseo Herencia riba diahuebs te cu diasabra, na unda despues di haya un dushi tratamento di beyeza, Nevin lo duna consehonan riba mihor tecnicanan pa aplica makiyahe.

Otro marca sumamente conoci, Lancome lo ta na Paseo Herencia, na unda experto Julieta lo uza su machinenan di infrared y anti-aging pa duna clientenan un tratamento extra special.

Otro expertonan di beyeza y make-up lo ta disponibel pa asina clientenan por haya mas tips y informacion riba aplicacion di productonan, como tambe test productonan nobo.

E festival aki lo ta diferente, no solamente tur e marcanan lo duna clientenan tur e tips di beyeza Frances, pero clientenan por experiencia lesamento di cartanan di Tarot di fragancia Frances. No lubida di disfruta un glas di champagne Frances of sinta un rato den nan Cafe Creme, sea bo ta consenti bo mes of traha un grupo di amiga y disfruta di un ‘spa date’ cu varios tratamento lo inclui ‘chocolat’.

- Advertisement -

DUNA COMENTARIO

Please enter your comment!
Please enter your name here