Home Politica Otmar Oduber (POR): ‘Mas desicion descabeya tuma pa prome Minister den porta...

Otmar Oduber (POR): ‘Mas desicion descabeya tuma pa prome Minister den porta di campaña’

116
0
SHARE
- Advertisement -

Cu anuncio abrupto cu lo cera dump

ORANJESTAD    (AAN):   Den ultimo declaracionnan a tuma nota cu Prome Minister Mike Eman a papia di kier cera dump den e dianan nos dilanti. No a menciona un fecha cu lo haci esaki, no a menciona con lo haci esaki y tampoco kico lo haci cu sushi si ya no tin un dump. Despues cu tabatin 7 aña pa atende cu e problema aki, awo den porta di eleccion kier cera esaki sin bin cu solucion

 

‘Mi ta kere cu nos mester para keto riba esaki un rato como cu riba su mes e hecho cu kier cera dump ta algo simpatico y un idea cu sigur nos mester atende na un forma hopi responsabel.’ Lamentablemente nos a mira cu den e ultimo simannan aki aworaki “5 pa 12” prome cu eleccion 22 di september venidero, decisionnan ta wordo tuma den un forma descabeya.

 

Serie di desicionnan den porta di eleccion

Aruparking

Algun siman pasa a scucha mesun Prome Minister bisa cu ta elimina klem bou di presion di algun persona, sinembargo despues a resulta cu esaki no solamente tin e compania den un situacion cu ningun hende ta papia riba dje pasoba e ta den un situacion negativo. Un compania cu tabata den un situacion sano. Ya e pronosticonan ta cu e lo resulta den un compania cu debe, caminda cu ta pueblo di Aruba tincu bay paga pa esaki un biaha mas y niun hende ta papia di esaki. Comerciantenan mes ta mustra riba e hecho cu esaki no tabata e solucion pa e situacion cu tin den nos caya grandi.

Comerciantenan mes aworaki ta realisa y ta critica pasobra practicamente hendenan no por haya espacio pa nan por parkeer den centro di ciudad y haci nan compras. Tambe aworaki sin combersa cu e companianan cu ta huur auto kier pa nan paga un suma pa parkeer, siendo cu siendo cu mayoria Pais (desaroya) rond mundo ya conoce e aspecto aki di parkeermeters den centro di ciudad. Segun sr. Oduber esey ta indica cu locual cu falta ta mas conscientisacion riba e situacion di paga pa parkeer. Sinembargo ta mustra un biaha mas cu den un forma descabeya ta tuma desicionnan sin pensa riba e consecuencia cu e tin pa e Pais aki.

 

Sector Primario

‘Pa loke ta agricultura, cria y pesca, ultimo 2 añanan medionan di prensa tabata presente na varios ocasion ora cu mi persona tabatin e honor di combersa hunto cu WEB y Santa Rosa caminda cu a haci henter un estudio y a midi necesidad y uzo cu tin pa awa. WEB ya caba tabata den e proceso pa prepara un tanki special na Balashi banda di nan planta, pa di e forma aki hunto cu Santa Rosa por bay ofrece awa na un mihor priijs. Atrobe ta pone presion riba e compania na e momentonan aki pa purba hacie un propaganda politico siendo cu esaki tabata den “pipeline” masha tempo caba. Practicamente mester djis ehecuta aworaki e prijs definitivo cu tabata mas o menos un 3 florin pa 3,50 pa loke ta trata e uzo di agricultura/sector primario aki na Aruba.

 

Plan di accion

POR a pone den e ‘Plan di Accion’ cu tin suficiente estudionan cu a wordo haci. Ta mira cu definitivamente mester bay den e direccion cu dentro di e prome 100 dianan di gobernacion lo mester cera y tuma un desicion den ki direccion ta bay cu desperdicio akinan na Aruba.

Si ta separa esaki bo ta uza companianan local cu tin suficiente capacidad pa haci esaki combina cu esfuerso di companianan di utilidad na Aruba pa sea produci gas of energia, den e caso aki coriente. Y e desicion mester simplemente wordo tuma pa por prepara comunidad eora pa e desicion di cera e dump di Parkietenbos y otro dumpnan ilegal cu lamentablemente te dia di awe no a tuma luga. E desicionnan ad hoc aki por crea mas problema pa comunidad di Aruba.

Concluyendo sr. Oduber a enfatisa cu gobierno mester splica y no tuma desicionnan popular den porta di eleccion sin cu esaki ta sosteni pa un bon plan.

 

 

 

 

 

- Advertisement -

DUNA COMENTARIO

Please enter your comment!
Please enter your name here