Home Deporte Pizza Hut Monsters y Balashi Premium a splits nan serie

Pizza Hut Monsters y Balashi Premium a splits nan serie

35
0
SHARE
- Advertisement -

ORANJESTAD (AAN): Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua riba veld di Dragon Hitters. Den categoria masculino AA e equipo di Pizza Hut Monsters y Balashi Premium a Split nan serie cu un victoria pa banda. Den e promer wega e pitcher hoben den gran desaroyo Giancarlo Gomez a sa di tene Pizza Hut for di balance aun regalando 4 base por bola a logra e victoria di 10-8. Erick Henriquez a drenta pa releva y sigura e wega. Balashi Premium 10 careda, 11 hit, 2 error. Pizza Hut Monsters 8 careda, 8 hit, 2 error. Arjen Mathilda a bay cas cu e derota recibiendo relevo di Jonathan Tromp den di dos inning. Pitchernan di Pizza ta regala 6 base por bola den combinación cu a pisa riba nan resultado. Mihor bateador nan pa Balashi Premium ta Filbert Thiel 3-2 incluyendo un homerun, Sando Geerman di 3-2 y Nathan Berkel di 4-2. Pa Pizza Hut Monsters a luci den causa perdi Rolando Bito y Derward Ruiz ambos di 3-2. Den e di dos wega otro gay a canta. Pizza Hut Monsters a manera saca un rosea fuerte cu nan tabata tin paden pa blackout e muchanan di Balashi Premium. Pizza Hut Monsters 25 careda, 26 hit, 0 error. Balashi Premium 2 careda, 3 hit, 4 error. Arjen Mathilda ta gana mientras Jorge Santana ta perde e partido. Pa Pizza Hut Monsters a destaca na bate Julio Hernandez 3-2, Mario wester 2-2, Alfred Williams, Derward Ruiz y Michael Fingal tur di 5-4, Randy Paredes y Rolando Bito di 4-2 ambos cu un cuadrangular y Jonathan Tromp di 5-3 tambe cu un homerun. Pa Balashi Premium e primonan Thiel esta  Josmar Thiel y Filbert a bay di 1-1 y Christopher Rasmijn di 2-1. Weganan ta continua e siman aki na veld di Dragon Hitters. Softball a la carga.

- Advertisement -

DUNA COMENTARIO

Please enter your comment!
Please enter your name here