Home Policial Policial

Policial

111
0
SHARE
- Advertisement -

Nan tabata prepara lora Shag y no droga

ORANJESTAD,(AAN): — A drenta informe via central di polis cu usadornan di droga lo ta causa molester na altura di e  Pier/Seaport Casino situa riba L.G. Boulevard. Na momento cu patruya di polis a presenta guardia di seguridad a mustra e unidad e usadonan di droga.

Polisnan a acerca y a papia cu dos homber y nan a declara di ta prepara nan shack. Polis a controla nan rugtas y schouder tas pero polis no a haya nada straño. E dos hombernan a wordo cori for di e vecindario.

Abordo seguridad no ta facil

ORANJESTAD,(AAN); — Via yamada telefonicamente cu seguridad di Aruba Ports Autority a ricibi for di e Chief Security di e crusero  “Carnival Magic” a haya tende cu nan tin algo pa reporta na Maritiem Polis Aruba. Na yegada e  Chief Security a spica cu nan ta tin dos caso riba e crusero encuestion durante nan ta nabega den awa internacional.

E prome ta cu un huesped (pasahero) a haya un cabito marihuana den “Safe” di su camber. E di dos caso ta cu Security a descubri un pasahero ta huma marihuana a bordo.  Ambos cigaria di marihuana a wordo confisca pa personal di Security a bordo di “Carnival Magic” y a entrega e cigaria di marihuana confisca na personal di Maritiem Politie Aruba. Mientras tanto locual cu a wordo confisca ta finalmente den man di e departamento UGC ( Narcotica).

Polisnan a gara traficante ta saca bolita’s sinta riba pochi wc

ORANJESTAD,(AAN); —  Parce cu polis Hulandes lo a haya tip relaciona cu traficacion di droga for di un Isla cu tabata forma parti di ex Antiyas.

Manera ta conoci keto bay nan ta usa “Nederlandse Antillen”. A base di e informe  suministra autoridadnan Hulandes a cuminsa move rapido pa nan no perde e grupo for di bista.

Relaciona cu informenan compila, e team investigador a dicidi pa bay actua. Tabata den transcurso di diamars cu polisnan a drenta den un hotel situa na Tilburg debi cu golido di bolita lo ta riba pochi di WC ta sacando e bolitanan.

Den e camber polisnan a detene un homber di 40 aña sinta riba pochi ta haci su necesidad.

A resulta cu ya el a produci basta bolita. El a wordo aresta mesora y transporta pa hospital na unda el a saca e resto di bolitanan bao vigilancia. E bolitanan tabata contene Cocaina puro den casi 90 bolita. Mientras tres otro persona di ciudad Tilburg tambe a wordo aresta pa duna cuenta na husticia.

Polisnan ta kere cu nan a desmantela un banda cu ta traficantenan di droga.

Doño a topa homber cu a cumpra su schouder tas horta

ORANJESTAD,(AAN); — Patruya a bay direccion Rancho straat relaciona cu ladronicia y na e adres polis a atende e homber di  inicialnan J.L. cu a relata cu  el a djis staciona e auto di compania un rato den Rancho straat. El a laga su asina yama Schoudertas den e auto pero e no a cera porta di auto na lock. Ora el a bolbe djis un rato despues na e auto el a constata cu e tas a somenta.

El a bay cu e auto busca rond den e area si acaso e lo por topa e ladron cu su schoudertas. Durante cu e tabata busca rond el a topa un homber cu su tas den man ta cana. Denunciante a baha for di auto y a bisa e homber cu e tas ta di dje.

Despues el a puntra e homber unda el a haya e tas. E homber contesta e denunciante, cu un rato prome el a cumpra e tas for di un choller pa “20 dollar” americano.

Rijbewijs, Carchi AZV, Uniform di Domino’ s Pizza, no tabata den e tas mas. Denunciante J.L. a haya su schouder tas bek y. no tabata desea pa entrega keho debi cu el a haya su tas. Central di polis a wordo poni na altura di e hazaña.

Homber cu pistol a menasa cu e arma bisando: “esaki mi tin pabo”

ORANJESTAD,(AAN); Cu urgencia central di polis a dirigi su patruya na Bloemondt diamars anochi. Segun e version policial, un auto color shinishi a para dilanti e cas y nan lo a menasa e habitante cu morto. Esaki a wordo reporta pa un miebro di famia. Patruya a acudi na e adres y polis a atende un mucha muher cu a declara di tabata sinta dilanti cas y a wak un auto color di plata pasa na diferente biaha y cu velocidad abao.

El a hisa cara y a wak un homber color scur cu un arma di candela y e homber expresa e siguiente palabranan, “esaki mi tin pabo” . E mucha muher a declara na polisnan di a wak un pistol color shinishi y e ta sinti su mes menaza. Tambe el a declara di no conoce e homber y e no a wak e homber nunca den vecindario.

E señora bisiña lo a capta e number di e vehiculo y patruya a controla esaki via central di polis y e number ta registra riba un otro auto. E descripcion di e muher cu a reporta no ta cuadra cu central di polis a suministra tocante number.

Patruya a busca pa localiza e vehiculo encuestion mientras otro unidadnan tambe a wordo instrui pa tira bista riba e vehiculo pero no a localiza e auto mas. E persona a wordo bisa su derechonan pa entrega denuncia.

Pariba y pabao chollernan ta cay den man di polis

ORANJESTAD,(AAN); —  Diamars marduga pasa di tres’ or patruya di polis encarga cu vigilancia y seguridad a constata un homber drumi altura di  “Tourist Information” (postkantoor).

Ora cu e patruya bay lanta e homber choller A.C. Brown , esaki tabata drumi na soño.

Polis a nota cu e bentana di glas di e oficina di Aruba Tourist Information  tabata kibra.

Na suela tabatin benta un boter kibra di Budweiser dilanti di e bentana di glas.

Brown a admiti di a destrui e bentana di glas y relaciona cu e sucedido polis a detene pa 3 or y 15 di madruga y a transport’e pa warda di polis San Nicolas.

El a wordo presenta pa 10 minuut despues na fiscal auxiliar E.H. Barry  y  e ultimo a ordena pa cera e sospechoso Allen Cyril B. di 47 aña relaciona cu lo demas investigacion.

Tambe na Pos Chikito transcurso di diamars mainta patruya San Nicolaas a  bay atende un choller na altura di “Tia Rosa”.

E choller “Jojo“lo ta ocasiona problema y na yegada patruya a core e conocido “Jojo” for di “Tia Rosa”. “Jojo”  a mustra comprenstion y el a cana bay.  Na Oranjestad comandante di polis a dirigi su patruya na altura di Maggy’s. Tin un choller conoci como Donald Geerman  ta molestia personanan.

Patruya na yegada a topa berdad cu Donald. Prome cu polis a core choller “Donald” nan a atende debido riba su comportacion cu tabata inaceptabel.

Varios homber y muher illegal varios luna na Aruba a keda deteni

ORANJESTAD,(AAN); — Tabata durante diamars  pasa di 4’ or marduga, e patruya di polis encarga cu distrito Santa Cruz tabata patruyando na altura di Sabana Liber y polis a topa dos hende muher ta cana banda di caminda.

E dos muhernan tabata canando pia abao y nan a parce di tabata busca yudanza pa cual polis acerca e dos muhernan pa avergua un cu otro.

E muher a suminstra polis su number cu ta Diaz Rodriquez y el a declara di ta warda riba un amigo.

Debi cu ta birando laat patruya a dicidi pa hiba nan cas situa na Kudawecha. Ora cu polis a puntra e muher cual a suministra e patruya su nomber cu ta Clavilo Machado si nan por wak su identificacion, e muher a cuminsa comporta su mes nervioso.  Clavilo Machado a mustra polis despues su paspoort Venezolano.

Polisnan a constata cu Clavilo Machado a drenta Aruba 14 Februari 2017. E muher a declara di a haya cuater dia pa keda Aruba. Mientras tanto e otro muher Diaz Rodriquez cu tin ainda 6 otro Venezolano ta hospeda cerca dje. Probablemente nan lo ta bay bek otro  diadomingo.

Patruya a wak via e porta dilanti di e adres cual porta ta habri te paden . Den sala tabatin dos matras mas algun maleta pa biaha. Polis no a topa ningun hende na e adres.

Patruya a hiba Clavilo  Machado warda y pa  pase na e personal di Guarda Nos Costa. Despues cu a laga Clavilo Machado na warda patruya a continua cu nan patruya y na  dado momento polis a wak cu tin un vehiculo staciona dilanti Kudawecha ta para google na e caminda cu ta split na sabana Liber.

Tabata trata di un Toyota Corolla. Patruya a dicidi pa sigui e vehiculo cu a bay te na entrada di warda polis Shaba. Yegando na entrada di warda Shaba polisnan ta ripara un otro vehiculo cu ta core dilanti e Toyota Corolla.

E patruya a haya esaki straño y nan a dicidi pa para e auto V-5111 y den e vehiculo aki tabatin dos persona. E chofer a declara di a perde caminda y polis a puntra e chofer su nomber y el a bisa cu su nomber ta Clavilo Machado pacual mustra su rijbewijs.

Escobar Clavijo a declara cu e no tin identificacion hunto cune. E pasahero cu ta e homber Molleja Rodriguez tampoco no tabata tin identificacion. Polis a dicidi pa hiba nan warda y e  auto V-5111 a wordo poni na warda.

Den e Vwagen V-5111 a wordo haya un potmoni y den e potmoni  tin Escobar Clavijo su passport Venezolano y diferente pasa di banco y carchi di “Justin’s Car and Cycle”.

Ademas  Escobar Clavijo tin 1420 dollar Mericano den e potmoni. E potmoni cu contenido y su cellular a wordo pone na disposicion di Escobar Clavavijo y entrega na e personal di Guarda nos Costa. Na control via  Guarda Nos Costa a resulta cu Clavilo Machado , Escobar Clavijo  y Molleja Rodriguez  ta illegal na Aruba y e trio aki a wordo entrega nan Guarda nos Costa pa nan wordo deporta pa Venezuela.

Castigonan pisa a cay den caso di matamento di polis Bakx na Bonaire

ORANJESTAD,(AAN); Ayera sentencia a cay pa e shete sospechosonan relaciona cu e caso DRUM. Manera ta conoci un caso cual a tuma lugar aña pasa na Bonaire a shock comunidad Bonairo formal. Mas ainda un agente polical Ferry Bakx a perde su biba. Corte a condena e Boneriano sospechoso como e organisador di e atraco na 20 aña cera. El a regla  pa e 6  Venezolanonan bin Boneiro cu e meta pa comete atraconan.

E  atraco a resulta fatal pa e agente policial  ora e atracador a tira riba e auto di patruya . E sospechoso a declara di a kere cu e polis Bakx lo a tira riba su primo sospechoso pero el a duna como di dos motibo debi e tin cu pasa Bakx  y e tabatin miedo cu e lo wordo tira den lomba.

Ta asina un dia prome cu e Venezolanonan a yega Boneiro a mustra un otro cas pero despues di a analiza e situacion nan a dicidi pa  atraca un otro cas y prepara tambe mihor.

Corte a evalua den e casonan di tur e sospehcosonan y a keda comproba relaciona cu e hechonan pa pidi castigo halto.  E venezolano di 21 aña cu a admiti a wordo sentencia pa 19 aña di castigo. E otronan a haya 18, 16, 13 y 12 aña di castigo. Esnan sentencia tambe nan mester paga daño y perjuicio di 15,000 dollar.

 

- Advertisement -

DUNA COMENTARIO

Please enter your comment!
Please enter your name here