Home Suceso Polis porfin a pone man riba e chauffeur mas iresponsable na Aruba

Polis porfin a pone man riba e chauffeur mas iresponsable na Aruba

3108
0
SHARE
— Cu speed halto mey-mey di atletanan. (Cortesia: 297Sports)
- Advertisement -

ORANJESTAD (AAN): E reclamonan cu a drenta contra dje, ta data di basta tempo caba.  Specialmente esnan cu ta jog of cana tur dia riba caminda di Hotelnan pa Malmok, sa cu ora e pickup aki ta acercando, nan tin di hala leu di dje.

— Coriendo roekeloos riba Sasakiweg.

Ta parce cu e chauffeur identifica como M. Vrolijk di 36 aña di edad, tin un fobia of odio contra tur hende cu ta cana banda di caminda, of core bicicleta.

Di hopi tempo, ciudadanonan ta pidi yudanza di Cuerpo Policial y nada ta ser haci. Nan a informa cu na mas cu un ocasion ta yama 100 y no tin ningun oido di autoridad.

Dia 7 di Mei cu a pasa, pa colmo e chauffeur di e Pickup aki, Isuzu color blanco cu number A-30716, por poco a trapa personanan cu ta participando na un Sprint Triathlon riba Boulevard.  Fotografo di e website di 297Sport a logra di saca potret di e acto aki, unda bo ta mira dirigentenan ta haciendo yen intento pa stop e pickup y desvia esaki pa e no dal hende.

Desde e dia ey, multitud di hende a bin dilanti con ora nan ta cana riba caminda pa Arashi, e persona aki ta actua raro tras di stuur.

Simplemente e no ta respeta hende cu ta core y tambe ta tira auto riba peatonnan, di cual esei ta castigabel pasobra ta un intento di asesinato.

Fin di luna pasa, e mesun homber aki coriendo su Isuzu, a core masha iresponsable mes, y hendenan a bolbe saca su potret.

Den luna di Mei, Central di polis a manda patruya bay para e chauffeur aki te den cura di un Dealer local, pa hala su atencion di ta core ireponsabel riba camindanan di Aruba.

Finalmente e siman aki, Ministerio Publico tabatin suficiente prueba, y

— Aki hendenan na grito cune pa e stop, pero envano. (Cortesia: 297Sports).

Fiscal a duna ordo pa detene e homber.

Asina a logra pone man riba M. Vrolijk, biba na Paradera.  El a wordo encarcela y awor investigacion ta cuminza.  Autoridad tin suficiente prueba, unda kizas e homber aki lo por perde su rijbewijs, y kizas hasta e vehiculo.  Lo ta bon idea pa haci un test sicologico di e homber aki tambe pa check kico ta su problema cu resto di mundo.

- Advertisement -

DUNA COMENTARIO

Please enter your comment!
Please enter your name here