Home Politica POR ta keda para riba cu mester enforsa control di nos frontera...

POR ta keda para riba cu mester enforsa control di nos frontera pa baha criminalidad

24
0
SHARE
- Advertisement -

Esaki ta conta pa aeropuerto y waf tambe

ORANJESTAD (AAN): Seguridad ta un di e preocupacionnan grandi di comunidad, partido Pueblo Orguyoso y Respeta (POR) ta trece esaki dilanti den e Plan di Accion cu a worde formula a base di preocupacionnan di comunidad. Partido AVP ta indica cu locual cu tin actualmente pa loke ta seguridad ta suficiente y no ta preocupa cu ya tin 54 atraco cu a tuma luga e aña aki.

POR ta kere den inversion pa cera nos fronteranan caminda cu hende, arma y droga ta drenta via e mesun porta aki, esaki ta prioridad number uno. Ora cu percura pa cera nos fronteranan ta evita e tres aspectonan aki cu ta e aspectonan cu mayoria biaha ta contribui na e tipo di criminalidad cu nos conoce akinan na Aruba.

Nos a scucha nos expertonan y nan ta bisa nos cu e forma cu e (cuido di nos frontera) ta hinca den otro actualmente no ta funciona, cual ta obvio. Mescos tambe mester percura pa nos fronteranan legal (aeropuerto, waf) tin e instrumentonan necesario.

Sea ta introduci un sistema ni ESTA akinan na Aruba cu bo ta controla hende prome cu nan yega Aruba of bo ta introduci tipo di Visa nan pa evita cu hendenan ta drenta via bo portanan legal y keda na un forma ilegal y comete actonan di inseguridad y contra nos husticia akinan na Aruba, asina lider di POR Otmar Oduber ta splica.

Mester inverti:

POR ta hopi transparente riba e hecho cu inversionnan mester tuma luga riba e terenonan aki. Mescos cu ta e adaptacionnan di nos leynan pa loke ta trata e forma cu nos Cuerpo Policial ta traha, caminda cu mester crea e respet y disciplina back caminda cu pueblo ta respeta polis y polis ta respeta comunidad di Aruba.

Esakinan ta discusionnan cu mester worde hiba y mester actua liher riba nan pasobra Aruba (cu nos kier of no) ta keda depende pa 92% riba turismo di Aruba. Seguridad ta un di e aspectonan principal cu Aruba ta logra di atrae e turista pa Aruba.  Esaki ta un motibo pakico nos ta tuma e situacion di seguridad asina hopi na serio, sr. Oduber a termina bisando.

 

- Advertisement -

DUNA COMENTARIO

Please enter your comment!
Please enter your name here