Home Remitido Pueblo kier sa si siguiente Gobierno lo kita Amienda #7

Pueblo kier sa si siguiente Gobierno lo kita Amienda #7

68
0
SHARE
- Advertisement -

Remitido

Esnan Cristian, religioso y e pueblo, nan a keda decepciona pa esnan den politico cu a bini cu e amienda nobo y na e parlamentarionan cu a vota pa esaki na aña 2016. Si e prome amienda a worde retira, anto ta pakico bosonan mester a bini cu un otro amienda aki? No ta e mesun derecho igual y union civil e ta pa tur sorto di sexo y mesun sexo?

E amienda nobo aki no a bira un ley ainda, pero el a keda wanta pa e gobierno. E amienda nobo aki nr. 7 ta bisa, cu ta regla e derecho y proteccion na e parehanan cu ta biba hunto y no ta casa. E ta bisa tambe, cu ta duna proteccion pa ningun hende keda desampara, sin distinction di rasa, religion y sexo. Tambe e ta papia di derechonan igual pa un grupo cu no tin proteccion etc.

Den e amienda nobo aki cu bosonan a bini cune, bosonan a habri un porta pa tur sorto di inmoralidadnan drenta, anto hopi hende lo no bay casa mas pa Dios y ni pa civil. Nan lo prefera di bay biba companja den e pika di fornicacion, pasobra toch nan tin e mesin derecho igual cu esnan cu ta casa pa civil.

Na esnan cu a divorcia y ta biba acompaña den e pika di adulterio, nan tambe ta haya e mesun derecho igual cu esnan cu ta casa pa civil. Bosonan a habri e porta tambe pa esnan di e mesun sexo por haya e mesun derecho igual cu esnan cu ta casa pa civil.

E homosexualnan, lesbiananan y e LGBT lo haya e derechonan igual y nan lo bay bringa tambe pa nan derechonan di matrimonio civil, pasobra bosonan a habri e porta pa nan por cana. Bosonan a habri e porta di satanas, na unda cu hopi hende lo bay rechasa Dios Su Leynan y nan lo rechasa Dios Su Palabranan den Bijbel.

Akinan bosonan ta promove e pikanan di inmoralidad y di deshonesto den pueblo y hopi hobennan lo desvia for di e caminda di Dios y nan lo tuma e  caminda robes di pika aki. Ta kende a bisa bosonan, cu pikanan tambe tin derecho?

Ta kende a bisa bosonan, cu satanas tambe tin derecho? Stima bo prohimo no kiermeen, cu bo ta apoya y cu bo ta defende e pikanan di inmoralidad y deshonesto cu un persona ta biba aden, pasobra bo tambe ta bira complice di e pikanan cu bo prohimo ta comete y ta biba aden. Stima bo prohimo kiermeen, bo yudanan den nan necesidad y bo haci obra pa nan etc.

Den bida aki na mundo, Dios ta manda Su pastoornan, Cristiannan, religiosonan y esnan spiritual, pa predika, pa conseha, pa spierta y pa avisa di loke ta bon y di loke ta malo, di loke ta bini di Dios y di loke ta bini di diabel, di loke ta corecto y di loke no ta corecto, di loke ta moral y di loke ta inmoral etc.. Anto, ta pakico bosonan den parlamento no a tende di e conseheronan di Dios cu a papia cu bosonan via medionan di comunicacion? Tin di boso cu a bisa:”Ta ken mi ta pa husga otro?”

Akinan no ta abo ta husga, pero ta Dios mes ta husga pa medio di Su Leynan y pa medio di Su Palabranan den Bijbel, solamente bo tin di cumpli locual cu Dios kier pa bo haci. Pasobra ora cu bo a huramenta, bo no a huramenta pa Dios di keda fiel y bo no a pone bo man drechi ariba un Bijbel, pa rechasa tur inhusticianan cu ta contra di Dios Su Leynan?

Anto ta pakico bobsonan no a pone un referendum pa laga e pueblo mes dicidi esaki? Awor e pueblo Cristian cu ta e mayoritario kier mira, ta cual ta e partido politico cu lo bay kita e Amienda#7 di inmoralidad di 2016, prome cu eleccion? E pueblo disgusta y rabia ta conciente di locual a sosode aña pasa y di e partido politico cu a bini cu e Amienda nobo aki.

 

Un Cristian.

- Advertisement -

DUNA COMENTARIO

Please enter your comment!
Please enter your name here