Home Policial Razia pa ehecuta detencion na Palm Beach y den Caya Musica

Razia pa ehecuta detencion na Palm Beach y den Caya Musica

1160
0
SHARE
- Advertisement -

ORANJESTAD (AAN): Riba Dialuna, oficialnan di Recherche hunto cu Team di Aresto, na un forma sincroniza a afectua un razzia cu meta pa detene algun hende.

Tabata atardi despues di 6:30 pm, cu riba caya banda di CMB Bank na Palm Beach y Caya Musica 33, a ehecuta esaki.

Ta na cas di un homber di fam Petronilia, kende tin su cas na huur. E homber tabata den noticia algun tempo pasa ora cu desconocinan a tira riba su auto den Madiki.

Dialuna Polis a yega na e cas den forma di sorpresa y a bay cu 2 sospechoso. Kico ta e motibo no ta conoci ainda. Testigonan a conta cu e homber ta huur e cas cu un famia mientras cu su mama mes ta biba den un apartament patras. Varios unidad di Polis, tanto uniforma como na civil a yega cu arma den man pa detene e sospechosonan.

E caso na Palm Beach, tabata riba caya y team special di Polis tabata sigui e grupo aki pa basta rato caba. Nan a pidi refuerzo pa asina purba haci e detencion. Polisnan cu patruya a presenta y blokia e auto aki. Tambe Recherche a bin yuda pa haci e detencion.

Cada biaha tabata pidi e agentenan cu tabata yega pa bay cu precaucion pasobra ta hendenan cu por ta arma. Sigur un tremendo trabao unda a haci varios detencion.

- Advertisement -

DUNA COMENTARIO

Please enter your comment!
Please enter your name here