Home General Registro Civil bon manteni ta na beneficio di e fondo di pension

Registro Civil bon manteni ta na beneficio di e fondo di pension

50
0
SHARE
- Advertisement -

SVb contento cu e limpieza haci na Registro Civil y Censo

ORANJESTAD    (AAN): Aunke cu ta trata opschoning di Censo, dado momento cosnan tambe por influencia SVb den un forma positivamente.

Director di SVb, Edwin Jacobs, el a splica cu nan ta sumamente contento cu e limpieza cu a keda haci y ta wordo haci na e momentonan aki di parti di oficina di registro civil, pa loke ta trata personanan inscribi den e registro.

 

Pension di vehez no ta un pension di trabao

 

Jacobs a splica cu e seguro di pension di  vehez ta prescribi cu entre e edad di 15 aña pa e edad di pension, un pensionado ta acumula derecho pa su pension di vehez. E derecho aki ta mara na residencia riba Aruba.

E pensioen di vehez no ta un pension di trabao. E no ta mara na añanan cu ta traha, pero ta para na añanan cu bo ta residencia na Aruba, entre bo 15 y bo edad di pension. Ta nifica cu un persona cu ta inscribi na registro civil, pero e no ta biba na Aruba, ta acumula derecho riba e pensioen di AOV.

E ley tambe ta bisa cu ora ta bay huzga e añanan di residencia,  tin cu haci uzo di registro civil. Ora cu un persona presenta na SVb haci peticion pa su pension di vehez of e ta haci esaki via un forma digital, e peticion aki ta bay registro civil y na registro civil nan ta bay check den e archivo di registro civil y ta confirma e fechanan cu e persona aki a residencia na Aruba.

A base di e pension actual, pa cada aña cu un persona ta inscribi den e registro civil y e no tabata biba realmente na Aruba e ta costa SVb na pensioen durante e promedio di añanan cu un persona asina ta disfruta di e pension di AOV, 4800 florin.

Esey ta nifica cu si e tabata registra den registro civil pa 5 aña, siendo cu e no a biba e cantidad di añanan aki, ta costa e fondo den e forma cu den principio no tin derecho riba dje, un total di 20 mil florin.

Ta e impacto cu un registro civil, un persona inscribi y no ta biba na Aruba ta costa e fondo sin cu e tin derecho en principio riba dje, pasobra no solamente e mester registra na Registro Civil, pero mester biba tambe na Aruba.

Bo por imagina cu si bo tin un registro civil up to date y bon manteni, e ta na beneficio tambe di bo fondonan cu bo ta administra, pasobra bo ta sigur e ora cu personanan cu ta ricibi e pensioen di vehez, realmente tin e derecho riba dje, pasobra realmente nan a biba durante e periodo cu ta poni den registro civil na Aruba.

Pesey tambe ta cu bon wowo SVb ta mira e proyecto aki di oficina di Registro Civil y kier a felicita nan cu esaki. A compronde tambe di e directora, den un combersacion cu tabata tin cun’e, cu ta un proyecto cu nan ta cuminsa cun’e y e archivo di registro civil lo wordo bon manteni pa e proximo añanan y ta mira mas y mas tur e sistemanan computarisa den gobierno ta cuminsa wordo gelinked na otro pasobra tur archivo ta keda up to date pa e cambionan.

 

 

- Advertisement -

DUNA COMENTARIO

Please enter your comment!
Please enter your name here