Home Politica Rene Herdé mustrando cu MEP y POR ta gaña riba pensioen

Rene Herdé mustrando cu MEP y POR ta gaña riba pensioen

39
0
SHARE
- Advertisement -

ORANJESTAD  (AAN) — Rene Herdé di AVP a comenta cu deespues di MEP ta e partido POR a dicidi di papia di pensioen. MEP a bisa cu nan ta bay baha e edad di pensioen. Despues nan a bisa nan ta lagu’e subi te 62 aña so. Awor ta POR ta bisa cu pensionadonan mester bay cu pensioen na un edad mas abou.

Tur dos partido ta crea e impresion cu nan ta bay baha e edad di pensioen sin niun consecuencia pa e pensionado. Nan tur dos ta gaña pueblo! Nan gañamento ta iresponsabel y otro preuba cu nan ta capaz pa bisa kico cu ta, pa gana voto. Papia berdad no ta cumbini nan.

Nos di AVP lo mester conta e berdad tras di tur nan gañamento pa nan no tuma pueblo haci y despues dal pueblo un cara abou.” Asina Rene Herdé di e fraccion di AVP a bisa den un reaccion fuerte riba loke el a yama e gañamento di MEP y POR.

Rene Herdé a splica cu durante di gobernacion di Gabinetenan Mike Eman I y II, hunto cu partnernan social a yega na reformanan structural pa salba e fondonan di pensioen. Di e forma aki a sigura e pensioen di nos pensionadonan pa futuro. Un di e cambionan cu a haci na 2012 den e pensioen di AOV, ta pa introduci e “Flex-Pensioen”. E “flexpensioen” aki ya na 2012 a habri e posibilidad pa un pensionado pospone e aña cu e ta bay cu pensioen y haya mas pensioen dia cu e dicidi di tum’e.

Den e proposicion cu e partido POR ta presenta, nan ta crea e impresion cu nan ta bay habri e posibilidad pa un pensionado bay cu pensioen na un edad mas abou cu e edad di pensioen oficial. Esey por. Pero loke POR no ta bisa acerca ta cu e pensionado ta haya menos pensioen si e baha mas tempran. E no ta haya mescos ni mas penisoen. Wak kico a sososde na Curaçao! E splicacion aki ta conta mescos pa e sugerencia di MEP pa baha e edad di pensioen.

MEP tampoco kier splica e trahadornan y pensionadonan cu si baha edad di pensioen lo tin tres opcion: 1. E trahado cu kier bay cu penisoen ta paga mas belasting prome cu e baha cu pensioen; 2. E pensionado ta haya menos pensioen; 3. Tur trahado tin cu paga mas prima pa pensioen di behez pa resto di nan bida. Ta un di e tres consecuencianan nan “plan” lo tin. Pero MEP y POR no ta suficiente honesto pa bisa pueblo esey.

- Advertisement -

DUNA COMENTARIO

Please enter your comment!
Please enter your name here