Home Deporte Resultado di diadomingo 04 juni 2017 campeonato 2017 di FLMSA

Resultado di diadomingo 04 juni 2017 campeonato 2017 di FLMSA

19
0
SHARE
- Advertisement -

ORANJESTAD (AAN): Diadomingo 04 di juni 2017 bow di auspicio di Federacion Liga Mayor di Softball Arubano riba e tereno di Flatstone Ballpark na Piedra Plat tabata tin continuacion di e di diescuatro campeonato di softball Liga Mayor.

1º partido: Surprise Nos Seguro v/s Aruba Juniors

Pa 09:45 a duna inicio na e prome partido di dia cu a bay entre Surprise Nos Seguro como equipo di cas enfrentando Aruba Juniors como equipo visitante, despues cu tabata un waiting time di 15 minuut door cu Aruba Juniors no tabata tin e cantidad di hungadornan reglamentario. Tabata den e propio cabez di inning no. 1 cu Aruba Juniors a score nan prome careda y a bay ariba cu e score di 1 pa 0. Den bom di inning no. 2 ta Surprise Nos Seguro a reacciona brabo y a score no menos cu 5 careda pa bolter e score 5 pa 1 na nan favor Den cabez di inning no. 3 Aruba Juniors a score 1 careda pa corta ventaja. Score a bira 5 pa 2. Den bom di inning no. 4 atrobe Surprise Nos Seguro a reacciona brabo y a score 4 careda pa pone e score comoda mente na nan favor 9 pa 2. Den bom di inning no, 5 Surprise Nos Seguro a agrega 1 careda mas y e score a bira 10 pa 2. Y cu e score aki tambe despues di 7 inning e partido a termina cu un victoria di 10 pa 2 pa Surprise Nos Seguro riba Aruba Juniors. Surprise Nos Seguro tabata 10 careda a sa di bati 12 hit y a comete 2 error. Mientras cu Aruba Juniors a score 2 careda a bati 4 hit y a comete 3 error. Mihor bateador nan pa Surprise Nos Seguro ta den persona di Patrick van Heiningen di mil punto cu 3 hit den 3 turno, mientras cu Raymond Dirksz a bati 2 hit den 3 turno y Patricio Wilson y Pedro Albertsz ambos cu 1 hit den 2 turno. Pa Aruba Juniors e mihor bateadornan tabata F. Mateo cu 2 hit den 3 turno y R. de Leon di mil punto cu 1 hit den 1 turno. Pitcher ganador pa Surprise Nos Seguro tabata Oslin Tromp mientras Rudi Tromp a carga e derota pa Aruba Juniors hayando relevo di Angel den inning no. 5. George Lucas tabata un homerun den tereno pa Surprise Nos Seguro.

2º partido: Kenro Jewelers v/s NPR/Deco’s Classics

E di dos partido di dia a bay entre Kenro Jewelers como team di cas enfrentando NPR/Deco’s Classics como bishitante. Den e propio cabez di inning no. 1 ta NPR/Deco’s Classics a anota 1 careda, mientras Kenro Jewelers den bom di inning no. 1 a anota 2 careda pa pone e score despues di 1 inning 2 pa 1 na nan favor. Den cabez di inning no. 3 ta NPR/Deco’s Classiscs a reacciona y a score 3 careda pa bolter e score caminda e score a bira 4 pa 2 na nan favor. Den bom di inning no. 3 Kenro Jewelers a corta ventaja y a anota 1 careda. Score a bira 4 pa 3 na nan favor. Den cabez di inning no. 5 NPR/Deco’s Classis a reacciona fuerte y a score 4 careda pa pone e score 8 pa 3 na nan favor. Den bom di inning no. 6 Kenro Jewelers a anota 1 careda pa pone e score 8 pa 4. Pero den cabez di inning no. 7 NPR/Deco’s Classics a reacciona fuerte y nan a anota 5 careda pa finalmente pone e score 13 pa 4, cu cual score tambe e partido despues di 7 inning a termina cu un victoria di 13 pa 4 pa NPR/Deco’s Classics riba Kenro Jewelers. NPR/Deco’s Classics tabata 13 careda, nan a bati 20 hit y a comete 2 error. Kenro Jewelers tabata 4 careda, a sa di bati 7 hit y a comete 3 error. Mihor bateador nan pa NPR/Deco’s Classics tabata Mariano Thiel di mil punto cu 3 hit den 3 turno. Mientras Emiliano Thiel, Lorenzo Dirksz y Vale Koolman, tur tres cu 3 hit den 4 turno. Mientras pa Kenro Jewelers tabata Roland Vries y Glenroy Wilson cu 2 hit den 3 turno mientras Damian Kenlly cu 1 hit den 2 turno. Pitcher ganador pa NPR/Deco’s Classics ta den persona di Tico Loepstok, mientras Willy Croes a carga e derota pa Kenro’s Jewelers.

3º partido: Balashi Sunrise Stingers v/s Kibaima Total Services.

Despues di esaki a duna inicio na e di tres partido di dia cu a bay entre Balashi Sunrise Stingers como equipo di cas enfrentando Kibaima Total Services com visitante. Den e propio cabez di inning no. 1 Kibaima Total Services a anota no menos cu 3 careda pa pone e score 30 pa 0. Pero Balashi Sunrise Stingers den bom di mesun prome inning a anota 2 careda pa corta ventaja caminda e score a bira 3 pa 2. Den cabez di inning no. 2 Kibaima Total Services a anota 1 careda y den cabez di inning no. 3 a bolbe anota 1 careda caminda e score a bira 5 pa 2. Pero den bom di inning no. 3 Balashi Sunrise Stingers a reacciona fuerte y a anota 4 careda pa bolter e score na nan favor 6 pa 5. Den cabez di inning no, 4 ta Kibaima Total Services a anota 1 careda pa empata e partido na 6 careda. Den cabez di inning no. 6 ta Kibaima Total Services a anota 1 careda pa bay ariba cu e score di 7 pa 6. Pero den bom di inning no. 6 Balashi Sunrise Stingers a anota 2 careda pa laga Kibaima Total Services den tereno na unda pa motibo di tempo reglamentario e partido ta termina cu un Victoria di 8 pa 7 pa Balashi Sunrise Stingers riba Kibaima Total Services. Balashi Sunrise Stingers tabata 8 careda a bati 7 hit y a comete 2 error. Mientras Kibaima Total Services tabata 7 careda, a bati 13 hit y a comete 2 error. E mihor bateador nan pa Balashi Sunrise Stingers tabata Robertico Boekhoudt cu 2 hit den 3 turno di cual 1 ta homerun den tereno, mientras Willy Mathilda y Lucas Wever ambos a bay di 1 hit den 2 turno. Mihor bateador nan pa Kibaima Paulus Rodriguez di mil punto cu 4 hit en 4 turno, mientras Victor Vrolijk a bati 3 hit den 4 turno y Wilfres Ras cu 2 hit den 3 turno. Pitcher ganador pa Balashi Sunrise Stingers tabata Lucas Wever kende a releva Gregory Paulina den inning no. 4, mientras Marcolino Werleman a carga e derota pa Kibaima cu a releva Frank Hoek den inning no. 4.

4º partido:  It’s Now or Never v/s San Nicolas Movers

E di cuater partido di dia a bay entre It’s Now or Never como equipo di cas enfrentando San Nicolas Movers Blue Residence como equipo visitante. Tabata San Nicolas Movers Blue Residence for di tempran den cabez di inning no. 1 y 2 a anota nan prome 2 caredanan pa pone e score 2 pa 0 na nan favor Pero den bom di inning no. 2 It’s Now or Never a score 3 careda pa bolter e score 3 pa 2 na nan favor. Den bom di inning no. 3 It’s Now or Never a bolbe score 1 careda. Score a bira 4 pa 2 na nan favor. Den bom di inning no 4 It’s Now or Never a bolbe score 3 careda pa pone e partido comoda mente na nan favor cu e score di 7 pa 2. Den bom di inning no. 5 It’s Now or Never a score 2 careda mas caminda e score a bira 9 pa 2. Cu e score di 9 pa 2 e partido a termina pa motibo di tempo reglamentario cu e score di 9 pa 2 pa It’s Now or Never riba San Nicolas Movers Blue Residence. It’s Now or Never a score 9 careda a bati 15 hit y a comete 1 error, mientras cu San Nicolas Movers Blue Residence tabata 2 careda a bati 4 hit y a comete 3 error. Mihor bateador nan pa It’s Now or Never tabata Ricky Henriquez, Elias Nieves y Adolfo Gonzalez tur tres di mil punto, cu 3 hit den 3 turno, 2 hit den 2 turno y 1 hit den 1 turno respectivamente. Mientras Nelson Orman, Rock Angela y Dennis Whitfield tur tres cu 2 hit den 3 turno. Ricky Henriquez tabata un homerun den tereno.  Pa San Nicolas Movers Blue Residence e mihor bateador nan tabata R. Perez, V. Rhoda y R. Philips tur tres cu 1 hit den 2 turno. R. Perez tabata un homerun den tereno. Pitcher ganador pa It’s Now or Never Daniel Flanders, mientras cu R. Philips a carga e derota pa San Nicolas Movers Blue Residence hayando relevo di Elvis Yarzagaray den inning no. 4.

5º partido:   Racketeers Pharmathon 50+ v/s Master Cargo Braves

E ultimo partido di dia a bay entre Racketeers Pharmathon 50+ como equipo di cas enfrentando Master Cargo Braves como visitante. Tabata den cabez di inning no. 2 unda cu Master Cargo Braves a anota nan prome careda. Den cabez di inning no. 3 y 4 Master Cargo Braves a anota 2 careda den cada inning pa pone e score 5 pa 0 na nan favor riba Racketeers Pharmathon 50+. Den bom di inning no. 5 Racketeers Pharmathon 50+ a anota nan prome dos careda pa pone e score 5 pa 2 nan favor. Pero den cabez di inning no. 6 Master Cargo Braves a reacciona fuerte caminda nan a score no menos cu 7 careda pa pone e score comoda mente 12 pa 2 na nan favor. Den bom di inning no. 6 Racketeers Pharmathon 50+ no a score careda y pa medio di un knockout fulminante Master Cargo Braves ta manda Racketeers Pharmathon 50+ cas. Score final 12 pa 2. Master Cargo Braves tabata 12 careda y a bati 15 hit y a comete 2 error. Racketeers Pharthon 50+ tabata 2 careda a bati 9 hit y a comete 4 error. Mihor bateador nan pa Master Cargo Braves tabata Eric Lake di mil punto cu 3 hit den 3 turno, mientras Tico Donata, Aubrey Maduro y P. Henriquez tur tres cu 2 hit den 3 turno. Tico Donata tabata 1 homerun den tereno pa Master Cargo Braves. Mihor  bateador nan pa Racketeers Pharmathon 50+ tabata Windsor Janga di mil punto cu 2 hit den 2 turno, mientras Chris Dammers tabata 2 hit den 3 turno. Richard de Luvia y Humphrey Hose ambos cu 1 hit den 2 turno. Pitcher ganador pa Master Cargo Braves tabata Wiwi Maduro, mientras Richard de Luvia tabata e perdedor pa Racketeers Pharmathon 50+.

Asina Federacion Liga Mayor di Softball Arubano por waak atras riba un bon di cuater diadomingo  di campeonato no. 14 (2017) cu tremendo partidonan di softball, na unda club miembronan ta sigui brinda bon partidonan di softball e aña aki. Tabatin un tremendo ambiente di softball na unda tambe DJ invaller a sa di entretene e publico presente cu bon musica.

Directiva di F.L.M.S.A. mes a sa di brinda un bar bon surti. E cushina tabata den man di e damas nan di Access Tigers. Un danki ta bay pa e cuerpo di umpires bow di direccion di Sr. Mito van der Biezen. Tambe danki ta bay pa scorer Sra Mila Dirksz.

Terminando cu saludos deportivo y sperando riba cobertura pa cu y henter nos campeonato 2017.

- Advertisement -

DUNA COMENTARIO

Please enter your comment!
Please enter your name here