Home General Santa Rosa a notifica piscadornan y instrui nan riba kico haci si...

Santa Rosa a notifica piscadornan y instrui nan riba kico haci si haya pisca cu azeta

30
0
SHARE
- Advertisement -

Nathalie Maduro director di LVV:

ORANJESTAD (AAN) – Durante un entrevista cu sra. Nathalie Maduro, director di Departamento di Agricultura, Cria y Pesca (LVV) of Santa Rosa, el a duna di conoce cu e ta den contacto constante cu DOW, bao cual nan ta cay den cluster pa traha hunto, relaciona cu e oil spill.

LVV a saca un notificacion cu a wordo manda na tur centro di pesca, tambe na Fundacion Centro Hadicurari, y tambe a notifica e piscadornan personalmente y tambe a saca un flyer con pa actua si nan ta haya piscanan cu azeta, y na prome lugar tuma contacto cu Santa Rosa pa nan alavez notifica Departamento di Calamidad, y esnan concerni cu ta haciendo estudionan.

E piscadornan a wordo pidi tambe, pa por fabor no purba haci e piscanan limpi. Tur hende sa cu petroleo tin su peligronan pa e ser humano. Y pa tampoco tire bek den lama sino hinke den un saco y hibe dump cu ta un caminda un tiki mas safe, pa asina evita cu e ta bay bek den lama y e contaminacion ta keda.

Sra. Nathalie Maduro a subraya cu sigur Santa Rosa ta monitor y ta den contacto tambe cu e Departamento di Salubridad, pa sa kico ta nan informacion y kico mester informa e piscadornan.

Na Santa Rosa tin personanan experto y tin un proceso cu nan ta siguiendo, ademas tin instancianan internacional cu a wordo involucra awor pa wak cual ta e stapnan mas importante cu por wordo tuma awor, manera e situacion ta, sra. Nathalie Maduro a menciona.

- Advertisement -

DUNA COMENTARIO

Please enter your comment!
Please enter your name here