Home General Satisfaccion di clientenan di WEB cu e compania ta halto

Satisfaccion di clientenan di WEB cu e compania ta halto

47
0
SHARE
- Advertisement -

ORANJESTAD   (AAN):  Den cuadro di conmemoracion di WEB Aruba N.V di 85 aña di desalinacion y 25 aña como N.V, na Februari y Maart ultimo WEB Aruba a encarga KPMG Aruba pa midi satisfaccion di clientenan di WEB.

Esaki segun director financiero di WEB Aruba, Randolph Ruiz Diaranzon durante un conferencia di prensa, den cual el a indica cu tabata tin participacion representativo di 1027 persona na un encuesta y e encuesta aki a mustra cu 77% di e clientenan generalmente ta contento cu WEB su servicio, e canalnan y e grado di uzo di e canalnan di servicio.

Ruiz a splica cu a midi e satisfaccion di cliente den forma di un encuesta quantitativo.

A haci encuesta personal na diferente localidad publico y naturalmente na WEB.

Tambe a manda e encuesta pa publico y clientenan comercial via email y via WEB su pagina di Facebook. Esaki a resulta den un participacion di 1027 persona, di cual 960 ta cliente residencial y 67 cliente comercial.

Pa lo cual ta WEB su canalnan di servicio por bisa cu WEB su Call Center ta e medio mas uza y cu mas tanto pregunta tocante e cuenta di awa. Clientenan y publico ta uza e pagina di Facebook mas tanto pa informa tocante un of otro servicio. Pa controla cuentanan habri, 76% ta uza e servicio online ‘WEB Care’. E participantenan na e encuesta ta contento cu e tempo di reaccion riba nan peticionnan via Call Center y via Facebook. Tambe 83% di e participantenan na e encuesta ta experencia nos website ‘webaruba.com’ como ‘client friendly’.

Mas o menos 70% di esnan entrevista, a indica di no a experencia un interupcion di suministro di awa. A resulta cu 35% tin biaha tin molester di presion abou di awa y 14% tin biaha ta experencia presion halto di awa. 67% di esnan entrevista ta di opinion cu WEB ta informa nan suficientemente y na tempo di posibel interupcionnan.

E director financiero a sigui bisa cu pa lo cual ta e cuenta di awa, mas o menos 70% ta contento cu e ultimo fecha di pago stipula, cu e manera di ricibi e cuenta y cu e informacion riba e cuenta. Menos cu mitar di e entrevistadonan ta contento cu e tempo cu ta costa pa soluciona problemanan relaciona cu e cuenta of e pagonan. Tambe mas cu mitar di esnan entrevista ta desea di ricibi su cuenta via email. A resulta cu mayoria entrevistado (58%) ta paga e cuenta via ‘online banking’, sigui pa 44% cu ta paga e cuenta di awa na oficina di

“E encuesta aki ta hopi valioso pa WEB y ta motiva nos pa optimaliza nos producto y servicio”, segun Ruiz.

“Un danki ta bay na nos clientenan cu a participa na e encuesta di ‘Bos di cliente’”.

“Dentro di poco lo haci e sorteo di e rifa bou di clientenan cu a participa na e encuesta. Keda pendiente y masha danki!”, e director a finaliza ta bisa.

- Advertisement -

DUNA COMENTARIO

Please enter your comment!
Please enter your name here