Home Evenemento Saxofonista Maceo Parker lo ta na Aruba pa Caribbean Sea Jazz Festival

Saxofonista Maceo Parker lo ta na Aruba pa Caribbean Sea Jazz Festival

42
0
SHARE
- Advertisement -

“2% Jazz, 98% Funky Stuff”

ORANJESTAD     (AAN):  Maceo Parker: su nomber ta sinonimo cu musica Funk, su banda: e orkesta mas miho den musica funk na mundo.

Maceo Parker (naci 14 di Februari, 1943 ) ta un saxofonista di funk, soul y jazz del alma, miho conoci pa su trabaonan cu James Brown  y su  zonido unico den e decada di añanan 1960, y den e decada di añanan1970 cu Parliament-Funkadelic.

Parker tawata un solista prominente riba hopi di e grabacionnan cu a bira hit di James Brown. E y su ruman homber Melvin a uni cu James Brown na aña 1964; den su autobiografía, Brown ta conta cu originalmente Boown tawata kier Melvin so como su drummer, pero nan a keda palabra cu Brown lo tuma Maceo bao di su hala como parti di e acuerdo. No a pasa hopi tiempo prome cu James Brown porfin a tira e florin den laira dunando Maceo su oportunidad convocando, “Maceo, I want you to Blow!“. Na mita di e decada di 70 Maceo a conecta cu George Clinton y cu varios otro artistanan mane Funkadelic, Parliament y Bootsy Collins.

Ta casi imposibel di separa cua tawata prome, Maceo of funk. E increibel P-funk  Parker tawata  e zonido  legendario den e tempo di e decada di 1960. Cu tawata e mesun tempo cu Maceo y su ruman homber a subi a bordo di e trein di funk soul hunto cu James Brown.

Den e decada di añanan 90, Maceo a cuminsa su carera solitario. Te cu e dia di awe , el a lansa diesun album. Su banda a wordo califica como “e orkesta funk mas miho na mundo. Na aña 1990 e oportunidad a presenta pa Maceo concentra riba su propio proyectonan. El a lansa dos solo album exitosamente : Roots Revisited  (cu a keda 10 siman number 1 riba e Top Jazz Billboard na aña 1990) y Mo’ Roots na aña 1991. Pero tawata  su di tres  solo album ,  cu Maceo a hasi su entrada cu su  CD “Life on Planet Groove” , cu a ser graba en bibo na aña 1992  cu pronto a converti su mes  den un favorito di e fanaticonan di  funk. Planet Groove tambe a sirbi como su muestra di calidad di talento, y cu a impulsa e carera di Maceo como artista solista y cu su frase famoso cu a pega : “2% Jazz, 98% Funky Stuff”

Durante e ultimo dos decadanan Maceo Parker ta  disfrutando di un carera feroz como solista, construyendo un imperio nobo di Funk; uno cu ta fresco y estilisticamente diverso. E ta navega habilmente entre soul di añanan 60 di James Brown y e freaky funk di añanan 70 di George Clinton, mientras e ta  explorando un jazz mas suave y e ritmonan di hip-hop.

Na juli di aña  2012  Maceo a wordo presenta cu  “Les Victoires du jazz en París”:  cu e Lifetime Achievement Award pa su contribucion na musica. E mesun fin di siman tambe el a ser otroga e “Premio di Icono” na e North Sea Jazz Festival na Rotterdam.

No perde e gran oportunidad aki di scucha un tiki Funk di Maceo Parker diasabra 16 di September, 2017 na Renaissance festival plaza cu Caribbean Sea Jazz Festival. Probecha y pasa cumpra bo “Early bird ticket special” awe mes.

 

- Advertisement -

DUNA COMENTARIO

Please enter your comment!
Please enter your name here