Home Comentario Segun ciudadano e salario pa sirvienta na Aruba ta inhusto

Segun ciudadano e salario pa sirvienta na Aruba ta inhusto

67
0
SHARE
- Advertisement -

Yamada na damanan riba lista politico:

ORANJESTAD (AAN)—Un dama a tuma contacto cu redaccion di DIARIO pa comenta cu el a wak un anuncio den corant, unda ta busca un señora pa haci trabao di cas, pero cu e mester ta interno: e tareanan ta cushina, strika, pasa basora y mop, laba tayo, laba paña, y atende e famia den otro cosnan cu nan mester.

Interno kiermen cu e sirvienta aki tin un dia liber pa siman so, un diadomingo, y den resto di siman ni sikiera docter e por bay.

Como cu e ta un hende cu aworaki no tin trabao pero si tin un famia pa cria a yama pa puntra pa salario, y cual tabata su sorpresa ora el a tende cu 745 florin pa luna.

Awor e ta compronde di con damanan local no ta tuma e trabaonan aki pa mas necesidad cu nan tin, pasobra cu e suma ey nan no ta resolve ningun problema economico den nan cas, nan salud ta bay wordo desgasta, nan so tin cu asumi tur trabao cu e hogar ta rekeri anto pa un suma asina abao.

Y comosifuera poco, nan no por biba cu nan famia, ni alomenos despues di 5 of 6 or di atardi, pasobra nan tin cu keda drumi den e cas.

Awor e ta compronde ta di con tanto hende ta pidi permiso pa trece hendenan muher di afo, pa haci e trabao di cria.

Un salario hopi abao di e salario minimo, bao argumento cu e trahador domestico ta haya camber cu baño den e cas y cuminda, loke no ta nifica calor di hogar, ni sikiera ta garantiza un bon trato pasobra no den tur cas ta asina.

E dama cu a duna nos su opinion, kier haci un yamada a tur e damanan cu ta candidato aworaki riba un lista politico pa e siguiente eleccion, pa nan pone man na curazon y tuma e asunto aki na serio, sikiera como hende muher cu nan tambe ta. Y no solamente na vanguardia di e hendenan muher local, e poconan cu ta tuma un trabao asina, pero tambe pa esnan cu ta bin di afo, cu tin biaha ni e permiso cu nan a wordo priminti pe, no ta haya pasobra e doño di trabao no ta cumpli y hopi biaha ta bao menaza di busca pa nan wordo deporta.

- Advertisement -

DUNA COMENTARIO

Please enter your comment!
Please enter your name here