Home General Siman di prevencion di candela ta enfoca riba “con pa scapa di...

Siman di prevencion di candela ta enfoca riba “con pa scapa di candela”

24
0
SHARE
- Advertisement -

Sr. Ferdinand Ponson ta splica:

ORANJESTAD (AAN) – E lema di Fire Prevention Week e aña aki ta “Traha pa bo di dos ruta di escape”. Asina sr. Ferdinand Ponson, di Cuerpo di Bombero a duna di conoce, den un entrevista cu Matutino DIARIO.

Esaki ta basa riba e “Fire
Escape Plan” cu ta un plan di evacuacion cu tur lugar grandi mester tin. El a subraya cu den hopi cas, e famianan no ta pone enfasis riba esaki.

Den caso di un candela na un cas, mester tin un plan traha caba, Ponson a subraya.

Cuerpo di Bombero ta dunando hopi lectura na scol, y nan ta pone e muchanan pinta nan plan di escape, y nan ta pinta nan cas of nan mesun klas, unda nan ta splica cual tan nan rutanan di salida y unda e punto di encuentro ta.

Ora di traha un plan di evacuacion, mester tin un punto di encuentro unda henter e famia ta topa. Cu diferente color e muchanan ta pinta nan prome y di dos ruta di salida y nan punto di encuentro cu por ta un mata di kwihi dilanti un auto cu tin para na caminda, of banda pariba di e cura di nan cas. E ora ey nan por bisa si falta un hende of su e famia ta completo.

Na scol e muchanan ta trahe dos-dos y tur ora nan ta asigna den un plan di evacuacion na e manera aki. Asina e muchanan por mira si falta un di nan y ta bay doble check. Muchanan ta wordo siña cu den caso di candela unda nan tin cu bay y kico nan tin cu haci.

Tin biaha den caso di candela tin mucha ta sconde abao di cama of den un cashi na lugar di bay pafo, segun sr. Ponson.

Di e manera aki Brandweer ta siña e muchanan y famianan pa uza nan plan di escape den caso di candela, y ta duna nan training.

Aworaki Cuerpo di Bombero tin un proyecto unda e muchanan hunto cu nan mayornan por traha nan “Fire escape Plan” conhuntamente, saca potret di dje y pone riba e facebook di e mayornan y skirbi Brandweer Aruba. Nan ta bay pone tambe un patronchi riba dje cu por wordo baha y uza como modelo. Tur hende, asina aki, por wak esaki y tur famia por tin un plan di escape den caso di un incidente.
Na October venidero durante e siman di Brandweer lo bay presenta un plan cu por uza como modelo por ehemplo na scolnan, cu nan por compete entre e diferente scolnan tambe.

 

 

- Advertisement -

DUNA COMENTARIO

Please enter your comment!
Please enter your name here