Home Deporte Special Olympics Aruba a logra conquista varios medaya den e weganan IBERO...

Special Olympics Aruba a logra conquista varios medaya den e weganan IBERO America na Bogota, Colombia

19
0
SHARE
- Advertisement -

ORANJESTAD (AAN): Recientemente un delegacion di Special Olympics Aruba a biaha pa Bogota, Colombia unda nan a competi den e Weganan Ibero America. Mester bisa cu paisnan den henter Sur America y America Central como tambe Caribe a competi den e weganan aki cu a conta cu un participacion grandi di atleta. Pa loke ta e delegacion di Aruba esakinan a bay cu e dos atletanan Felipe Bustamante y Mark Gonzales ambos atleta specializa den e deporte di bowling.

Mester bisa cu tanto Felipe y Mark a presta formidabel mirando cu nan a obtene nos menos cu 4 medaya pa Aruba den cual dos medaya di Oro pa e atleta Felipe Bustamante y dos medaya di Bronz pa e atleta Mark Gonzales. Ambos atleta a wordo guia pa nan coachnan  sr. Karel Williams y sr. Doy Bernabela.

E delegacion a yega bek Aruba den for satisfactorio y a wordo ricibi door di famia, amigo y conocirnan. Remarcable ta cu cada bes nos atletanan di Special Olympics Aruba competi den exterior conkista diferente medaya nan ta algo sigura. No por otro mirando e dedicacion y guia cu nos atletanan tur dia ta haya for di esnan responsabel esta e coachnan cu dia aden dia afor traha cu alma y cuerpo na e progreso di e atletanan. Un pabien sigur na Special Olympics Aruba como tambe na Felipe y Mark pa prestacion sublime den e Ibero America 2017 na Bogota Colombia.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organiza loteria, cambia bida di su hungadornan y na mes momento inverti den deporte local pa medio di donacionnan na e Comision di Subsidio.

- Advertisement -

DUNA COMENTARIO

Please enter your comment!
Please enter your name here