Home Salud Ta esencial pa varios cambio tuma lugar den cuido medico

Ta esencial pa varios cambio tuma lugar den cuido medico

13
0
SHARE
- Advertisement -

Inicio di Health Care Conference Aruba

ORANJESTAD  (AAN): Diabierna mainta na Aruba Hilton Hotel a tuma lugar apertura di Health Care Conference Aruba 2017(HCCA).

Esaki ta un conferencia riba cuido y salubridad di 3 dia, cu participacion di invitadonan di rond mundo.

E intencion ta entre otro pa e diferente expertonan y gobernantenan intercambia ideanan cu por aporta na mehoracion di sector medico y sector di cuido.

Riba e prome dia, Minister di Salubridad Dr. Alex Schwengle a duna un charla di introduccion, unda cu el a trece dilanti entre otro cu ora cu bo kier mehoracion den sector di salubridad, cierto aspectonan por aumenta e gastonan.

Pesey semper ta keda un escogencia importante, den ki direccion bo ta bay.

E mandatario a bisa tambe cu den su experiencia den ultimo 4 añanan cu a pasa, consensus y consistencia ta hopi importante.

“Specialmente den con nos ta mira cos, con nos ta atende cu cosnan y con nos ta maneha tur cos”.

“Esey mester wordo refleha den e liderazgo cu nos ta scoge”.

Esaki segun Schwengle, kende a sigui bisa cu esaki ta importante pa e maneho cu wordo poni riba papel, cu despues ta wordo ehecuta.

“Mi ta kere cu e tipo di discusionnan aki ta importante pa nos por haya e enfoke corecto y no ta necesario pa e ta perfecto, basta nos como pais dicidi cu esaki ta bay ta e enfoke pa e proximo 4,5, 10 aña”.

“Si bo cambia bo enfoke cada 2 of 4 aña, bo no lo logra mucho”, segun e minister.

El a sigui bisa cu semper cierto cambionan di sistema ta esencial no pa perhudica ningun hende, sino pa mehora cuido medico pa tur hende.

Despues cu Schwengle a hiba palabra, e dia a continua cu un bista riba HCCA di 2015, duna pa Dr. Malhi Cho di Pan American Health Organization (PAHO).

Dr. Stanley Lalta di University of the West Indies
(UWI) y Dr. Gert Kuijt di Harvard University a discuti riba e diferente sistemanan di cuido medico cu tin, unda cu nan a mustra tambe riba e hecho cu algun cambionan mester tuma lugar sigur.

Mas atardi a tuma lugar un discusion di panel, unda cu a toca e temanan di: Kico ta cuido medico universal, Si tur hende merece cuido medico, Con nos por financia cuido medico y Si grandura ta importante.

 

 

 

- Advertisement -

DUNA COMENTARIO

Please enter your comment!
Please enter your name here