Home Turismo Tatanan di Riu a disfruta di lunch pa celebra nan dia

Tatanan di Riu a disfruta di lunch pa celebra nan dia

15
0
SHARE
- Advertisement -

Riu Palace Aruba y Riu Palace Antillas a tene tatanan contento

ORANJESTAD (AAN): Diabierna ultimo Riu Palace Aruba y Riu Palace Antillas a celebra dia di tata cu tur su empleadonan. Tur empleado tata a pasa un momento agradabel unda cu nan tabata papia y hari y haci esaki den compania nan hefenan.

E dia tabata uno placentero unda cu e tatanan a haya un dushi lunch den tur dos restaurant na Riu. Durante e lunch e tatanan a haya e oportunidad di participa den un rifa, unda cu tabata tin diferente ganado. E tatanan por a gana diferente premio manera, Smart TV, caha di Heineken, caha di Corona, 2 Buchanan’s, 1 Brugal, 1 Barcelo, 1 cena romantico, 1 desayuno pa 2 y un total di 3 celular. Empleadonan tabata super contento cu nan lunch y e rifa.

Gerencia di Riu Palace Aruba y Riu Palace Antillas a felicita tur tata y ta hopi contento cu e tatanan empleado cu a gana premio a keda feliz cu loke nan a gana.

Famia Riu a funda Riu Hotels & Resorts como un hotel chikito na aña 1953, na Mayorca, Spaña. Awendia Riu, cu ta partner cu TUI, e compania di tours mas grandi na mundo, ta ofrece 95 hotel, di cual riba 70% ta ofrece acomodacion “all inclusive”. Riu Hotels & Resorts ta bou maneho diario di e di tres generacion di famia Riu, cu su oficina principal na Mayorca y ta conta cu riba 26 mil empleado y ta estableci den 19 pais, manera Spaña, Portugal, Irlanda, Alemania, Bulgaria, Turkia, Morocco, Merca, Mexico, Jamaica, Bahamas, Aruba, Costa Rica, Republica Dominicana, Panama, Cabo Verde, Mauritius, St. Martin y Sri Lanka.

Aki na Aruba, Riu Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan Riu na Aruba, nan ta emplea riba 800 trahado, brindando huespednan e miho nivel di servicio.

 

- Advertisement -

DUNA COMENTARIO

Please enter your comment!
Please enter your name here