Home Social Te Diaranzon merdia un di e ganadornan di MiniMega a haya sa...

Te Diaranzon merdia un di e ganadornan di MiniMega a haya sa di su suerte

427
0
SHARE
— Vladimir S. mes a bay busca su premio miyonario.
- Advertisement -

ORANJESTAD (AAN): Tabata Diamars anochi prome cu el a bay cine cu su pareha, e ciudadano Vladimir S. a pasa cumpra su numbernan di semper na Monserat Lottery.  E tabatin 5 Florin extra, y na final a pidi pa un Lotto Loco.

E compra ey di ticket loco di Mini Mega na delaster momento, a pone cu el a gana 1.250.000 Florin.

Esey ta e mita di e jackpot di Mini Mega cu tawatin pa sorteo di diamars, 27 di juni, 2017. Numbernan cu Vladimir S. a gana cune ta 02-03-19-22 Mega Ball 06. E sorteo miyonario di diamars a conose 2 ganado. E otro ticket a worde cumpra na Hey You Lottery, cu e Mega Plus.

Diamars anochi a pasa y ainda Vladimir no sa cu el a gana.  Te Diaranson merdia Vladimir a dicidi pa bay den auto pa mira e ticket, y check cua number a sali.

Ora cu el a mira e numbernan riba e borchi el a puntra e rebendedo si e numbernan ta bon di berdad, paso e tin nan.

Como cu Diaranzon tabata su off-day, mes ora el a sali bin oficina principal di Lotto, na Paardenbaaistraat 10, pa cobra su premio.

Vladimir ta contento cu su suerte, y el a bisa cu premio aki ta pa yuda su famia.  Un di su prome soño cu lo bira realidad ta compra di su propio cas.

Lotto Aruba ta felicita Vladimir S. cu awo ta un miyonario danki na Lotto, E Loteria di Aruba.

E otro ganado a gana e suma miyonario di 2.450.000 Florin, y e tin 90 dia pa pasa reclama su premio.

E jackpot di Mini Mega tabata na 2.5 miyon y e Mega Plus 1.2 miyon Florin extra. Pues e ta gana mita di e jackpot di Mini Mega, pero e jackpot di Mega Plus si ta full di dje. Nos ta warda bo na oficina cu bo ticket ganado y ID valido dentro di 90 dia.

- Advertisement -

DUNA COMENTARIO

Please enter your comment!
Please enter your name here