ORANJESTAD (AAN): Sigur e tendencianan global ta indicia un direcion solido. E direcion di “back to femininity” caminda cu bistinan femenino den colorna sutil como tambe tononan electrificante ta causando impacto internacional.
Femininidad ta e punto focal den moda mundial y esaki ta worde representa ambos den estilo y color cu estampado. For di e “looks” mas audaz cu estampadonan estrambotico te na estilonan mas sutil den tononan suave ta e “fashion must haves” pa e temporada actual.
Trash Store ta conoci pa presenta moda sublime na prijsnan rasonable. E lema “moda pa tur size, tur gusto y tur budget” ta cuadra perfectamente cu e boutique. Un ambiente sin igual cu servicio profesional y amical ta caracteristicanan conoci di e boutique di nos diseñador Arubano, Ronchi De Cuba.
“Moda mester ta pa tur hende. Estilo, size y prijs sigur ta hunga un rol importante na momento di presenta e coleccion di TRASH Store. Nos ta pone hopi atencion na servicio y na e in-store ambiance” ta locual Ronchi ta duna di conoce.
Berdad un y tur ta sinti nan na cas na momento di bishita e boutique y e team di Trash Store ta percura pa e consejona importante di moda. E boutique tin moda pa tur ocasion. Di trahenan formal te na estilonan casual pa tur dia. Trash Store ta situa na Sibeliusstraat 8 na Playa.
